Diskussion:Hip-Hop in Zürich

De Abschnitt Hiphop isch glöscht worde und wider hergstellt worde. So wie de Artikel Hiphop do stoht, verstooni sogär as Zörcher nu "Spanisch" und i schaffs vo lutter Hiphop-Slang nödemol d Hälfti z läse und i hoffe er globet mer, weni säge, as i kan domme Siech bi. Sicher git s s Zöri Hiphopper, aber de Abschnitt isch so wiener do stoot z lang und zu "inside-ig"! Übrigens, im Artikel ka Wort öber d Techno-Szene, wo för Zöri ide Nünzger so prägend gsii isch! (Streetparade isch international bikannt, öber e Millio Bsuecher!). O.k., d Wikipedia werd vo dene gschribe, wosi schribet, aber de Abschnitt Hiphop isch tendenziös und selbstverherrlichend! Und die Verherrlichung vode Sprayer, wo die ganzi Stadt mit irne unesthätische, kunstlose (und kriminelle! Millioneschade!) Sprayereie d Stadt versauet, bruchet kai Werbig i de Wikipedia. De erst Sprayer isch übrigens de Nägeli gsii. Und de isch ganz sicher kan Hiphoper und isch im Gfängnis ghocket wege sinene Sprayeraie. I füege s Öberarbaite ii! --al-Qamar 20:39, 18. Apr. 2007 (CEST)

gueti Argumänt, hanen usglageret: Hip-Hop in Zürich --Dr Umschattig red mit mir 21:21, 18. Apr. 2007 (CEST)

Löschdiskussion

Begründig: No nyyn Johr allnonig enzyklopedischer. --Holder (Diskussion) 12:14, 8. Sep. 2016 (MESZ)

Irgedwie find ich dè Artikel hèèrzig... Eener en Fall für d Qualitèètssicherig? Und wän ich eso a die Fluet vo schwachen Übernaamen us de dewiki tänke, wo mer i der alswiki händ und wo sich ussert miir und em al-Qamar schynts niemer drüber nèrvt... --Freiguet (Diskussion) 14:05, 8. Sep. 2016 (MESZ)

Versto jetz nit ganz, was aa däm Artikel eso schlächt söll sy. E chùrzi Zämmefassig, e chly willkürlich, ùn e paar weniger neutrali Adjektiv chönnt mer vilycht ussenee, aber ich find de Artikel au läbiger zum läse wie so mangi Artikel, wo's in allene Wikipedie söll gee. --Terfili (Diskussion) 13:24, 9. Sep. 2016 (MESZ)

Ha iez de Löschboustäi ewègg-gnaa. Zwee sind gäge s Lösche gsy und nu äine defüür. --Freiguet (Diskussion) 23:37, 20. Sep. 2016 (MESZ)

Ja, das isch sicher guet. De ander Buuschtei cha no blybe. --Pakeha (Diskussion) 23:40, 20. Sep. 2016 (MESZ)

Wyl usser däm e chly verworrene Kommentar vo 2007 vùm al-Qamar, wonni ällewell no nit ganz druss chùmm was konkret aa däm Artikel nit stimmt, niemer ùff myni Froog, was jetz eigetli überarbeitet werde sött, gantwortet het, hanni jetz au de Überarbeitigsbaustei usse gno. --Terfili (Diskussion) 08:11, 21. Sep. 2016 (MESZ)