Hip-Hop in Zürich

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Dialäkt: Züritüütsch

Züri hät ä überuus läbigi HipHop-Szene mit villne Aktivischte.

Gschicht[ändere | Quälltäxt bearbeite]

Unter anderem isch au dä Midi Gottet vom Trio Eden ide Achtzgerjahr als Breakdancer und Sprayer aktiv gsi.

I dä Nünzger isch die goldig Ziit vom sognännte Zürisläng cho. Lüüt wie paar@ohrä, Gleiszwei, Samurai+Rokator, Sterneis, Primitive Lyrics, Sendak, Bligg'n'Lexx und no en Huufe anderi händ züritütsche Rap iidrücklich eme breite Publikum us dä ganzä Schwiiz präsentiert. I dä Nünzger händ denn au d Graffitigruppe UC (UpperClass), ZAT (Zulu Art Television), RIAP, FASH und UFO ihri beste Zite gha. Anderi derbi Gruppe sind NSR, STR und KMH gsi.

HipHop hüt[ändere | Quälltäxt bearbeite]

Während HipHop früehner vor allem e Alternative zu andere Läbesstil gsi isch, und Konzert, Jams und Ähnlichs vor allem im Untergrund schtattgfunde händ, hät sich ide letschte 10 Jahr ä düütlichi Kommerzialisierig bemerkbar gmacht und au grossi Klubs wies Kauflüüte und s X-Tra händ HipHop als Publikumsmagnet entdeckt. Nebed villne Konsumente gits aber immerno e aktivi, meh oder weniger guet vernetzti Szene, wo absiits vo kommerzielle Ziil ihräs Ding duräzieht.

Momentan mached vor allem die junge Wilde vo sich redä, aber au vodä OldSchool gits immerno es paar wo vo sich redä mached zum Biischpiil dä E.K.R. oder dä Gordo und vili meh.