Dieter de Lazzer

Us der alemannische Wikipedia, der freie Dialäkt-Enzyklopedy
Dialäkt: Schwäbisch

Dr Dieter de Lazzer (* 1941 z Hoidna)[1] ischt an deitscher Krimiautor, evangelischer Theolog ond Rechtsôwalt.

Aus seim Leaba[ändere | Quälltäxt bearbeite]

Dr Dieter de Lazzer ischt 1941 z Hoidna uf d Welt komma. An Doil vo seine Vorfahra stammed us Sidtirol ond send Ladiner gwäa. Vo dôher kommt au sei Nôchnama, wo en Deitschland doch arg selda ischt. Nôch-em Abi hot’r Theologii ond Rechtswissaschafda studiirt. Wia-nr dô drmit ferdich gwäa ischt, hot’r zerscht amôl a baar Johr en-ra Pfarrei en Schottland gschafft ond hendrher Forschongs- ond Lehrtädigkeida sowohl z Deitschland wia au em Ausland ausgiabt. Schbätr isch’r hauptsächlich als Rechtsôwalt tädig gwäa. Sei Schbezialideet send dô drbei d Prozess vôr de Vorwaldongsgricht ond vôr-em Vorwaldongsgrichtshof en Mannheim gwäa. Er hot au mehrere jurischdische Schrifda vorfasst.

A Freind vom Dieter de Lazzer ischt dr schwäbische Autor Felix Huby, wo vor ällem fir seine Krimis – Biacher ond Film – bekannt worra ischt. Zamma mit sellem hot’r a baar Seria firs Fernseh ond au Theatrstick gschriiba, wo oft em schwäbischa Schbrôchroom ôgsidlet gwäa send.

Dr Dieter de Lazzer ischt vrheiradet mit dr evangelischa Dekanin Dr. Marie-Luise Kling-de Lazzer vo Diibenga.[2] An dr Staatlicha Hochschual fir Gschdaldong z Karlsrua isch’r dr Vorsitzende vom Hochschualrat.[3]

A baar vo seine Werk, wo-nr mit-em Huby zamma vorfasst hot[ändere | Quälltäxt bearbeite]

Fernsehseria[ändere | Quälltäxt bearbeite]

Theaterstick[ändere | Quälltäxt bearbeite]

  • 2006: Selbscht ischt dr Mann (z’erscht Môl uf d Bihne komma am 29. Septembr 2006 en dr Komödie im Marquardt z Stuegert)[4]
  • 2008: Georg Elser – Allein gegen Hitler (a Volksstick, z’erscht Môl ufgfihrt am 28. Februar 2008 am Theater Lindenhof z Melchenga)

Oinzlne Nôchweis[ändere | Quälltäxt bearbeite]

  1. D Webseit vom Evangelischa Kirchabezirk Diibenga ibr da Dieter de Lazzer mit-ma Bild vo-nem. Archiviert vom Original am 4. März 2016; abgruefen am 29. Januar 2011.
  2. http://www.evangelischer-kirchenbezirk-tuebingen.de/dekanin.php
  3. http://www.hfg-karlsruhe.de/search/node/dieter%20de%20lazzer (Site cha nüme abgrüeft wärde; Suche im Webarchiv)[1] [2] Vorlage:Toter Link/www.hfg-karlsruhe.de
  4. http://www.felixhuby.de/theater___musik.html (Site cha nüme abgrüeft wärde; Suche im Webarchiv)[3] [4] Vorlage:Toter Link/www.felixhuby.de