Detzle

Us der alemannische Wikipedia, der freie Dialäkt-Enzyklopedy
Koordinate: 47° 40′ 0″ N, 8° 19′ 14″ O
Detzeln
Wappe vo Detzeln
Wappe vo Detzeln
Dialekt: Alemannisch
Hauptvariante: Hochalemannisch
Regionalvariante: Hotzewälderisch
Höchi: 404 m
Iiwohner: 267
Iigmeindig: 1. Januar 1971
Regierigsbezirk: Fryburg
Landchreis: Waldshüet
Poschtleitzahl: 79761
Vorwahl: 07741
Nummereschild: WT
Dialäkt: Markgräflerisch (Lörrach)

Detzle (Dt. Detzeln) isch e Stadtdeil vo Waldshüet-Düenge im Landchreis Waldshüet.

Geografy[ändere | Quälltäxt bearbeite]

S Panorama vom unterè Steinadal bim Detzlemer Obberdorf

Detzle litt am südöstlige Rand vom Südschwarzwald im Steinadal uff ca. 404 Meter über em Meerspiegel. S Gmeindegebiet umfasst d'Dalaue und Bergaschnitt vom undere Steinadal, wo vo Norde noch Süde verlauft, und de Wyler Dierberg.

Gschicht[ändere | Quälltäxt bearbeite]

Di erschti urkundligi Erwähnig vo Detzle chunnt uss em Johr 844; de Ort hät sällemols Tezzilnheim gheiße und hät de Freiherre vo Kränkinge ghört. E witeri Erwähnig chunnt uss em Johr 1480, wo d'Herre Detzelhaim vo Rumlang an s Chloster St. Bläsi verchauft hän, nochdem's zerscht d'Herre vo Hochefäls und verschydeni Schwizer Patrizierfamilie gha hän. Noch de Ufflösig vom Chloster isch de Ort an s Großherzogtum Bade cho.[1]

Detzle isch 1971 in Düenge yglydert worre. Sälli ehemoligi Stadt isch 1975 sälber mit Waldshüet zämmeglegt worre.

Ywohnerentwicklig
Johr Ywohner
1871 200
1900 163
1925 227
1939 192
1950 253
1961 244
1970 252
2004 265
2006 267

Bolitik[ändere | Quälltäxt bearbeite]

Detzle entspricht als Ortschaft im Bade-Württebergische Kommunalrächt und hät drum e begränzti Selbschtverwaltig, wo de Ortschaftsroot und de Ortsvorsteher als Organ hän. De Ortschaftsroot hät sechs Mitglyder; de Ortsvorsteher isch de Erwin Schlegel.

Verchehrsabindig[ändere | Quälltäxt bearbeite]

Durch Detzle verlauft d'Landstroß 159, wo vom Stadtdeil Düenge chunnt und, nochdem si de Ort durchquert hät, entlang de Steina uff Bonndorf fiehrt. D'Chreisstroß 6556 fiehrt über de Bergrucke im Weste durch d'Ortschafte Kränkige und Aiche ins Schlüchtdal.

Weblink[ändere | Quälltäxt bearbeite]

Quälle[ändere | Quälltäxt bearbeite]

  1. www.detzeln.de
Dä Artikel basiert uff ere fräie Übersetzig vum Artikel „Detzeln“ vu de dütsche Wikipedia. E Liste vu de Autore un Versione isch do z finde.