Schwiizerische Evangelische Chilebund

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Di reformiirte Landeschilene vo de Schwiiz

De Schwiizerisch Evangelisch Chilebund SEK (franz.: Fédération des Églises protestantes de Suisse FEPS) isch de Zämeschluss vo de reformierte Landes- bzw. Kantonalchilene un de Evangelisch-Methodistische Chile i de Schwiiz. De SEK het sin Sitz z Bärn.

Gschicht[ändere | Quälltäxt bearbeite]

De SEK isch 1920 gründt worde. Vorher hets als gmeinsams Gremium vo de reformirte Chilene di evangelischi Tagsatzig gäh un sit em Johr 1858 di Schwiizerischi reformierti Chilekonferenz. 1925 isch de SEK Mitglied vom Reformirte Wältbund worde un im Johr 1940 vom Ökumenische Rat vo de Chilene. De SEK het 1946 s HEKS, s Hilfwärk vo de Evangelische Chilene vo de Schwiiz, gründt un 1963 s Sammelwärk Brot für Brüder, wo sit 1990 Brot für alle heisst. 1970 isch s Sozialethische Institut gründt worde, wo 2004 de Name Institut für Theologie und Ethik übercho het. Sit em Zämmeschluss vom Reformirte Wältbund mit em Reformirte Ökumenische Rat am 18. Juni 2010 z Grand Rapids im amerikanische Bundsstaat Michigan isch de SEK Mitgliid vo de noi gründete Wältgmeinschaft vo de Reformirte Chilene. [1][2][3]

Organisazioon[ändere | Quälltäxt bearbeite]

De SEK het als Leitigsgremium en Rat mit nüün Mitglider. De Rat trifft sich normalerwis einisch im Monat für zwei Täg z Bärn. Früeneri Mitglieder sin gsi de Thomas Wipf (Präsident), d Silvia Pfeiffer (Vizepräsidentin), d Irène Reday (Vizepräsidentin), d Helen Gucker-Vontobel, de Ruedi Heinzer, de Karl Kohli, d Kristin Rossier Buri, de Peter Schmid un de Urs Zimmermann. Für d Amtsperiode ab em 2011i het d Abgordenteversammlig vom SEK am 14. Juni 2010 z Herisau de Theoloog Gottfried W. Locher vo Bärn zum noie Präsident vom Rot gwählt. Di andere Mitglieder vom Rat sind (ane 2018): de Pfaarer Daniel de Roche vo Fryburg, de Chilepolitiker Peter Schmid vo Basel, d Esther Gaillard us de Waadt, d Pfaarerin Sabine Brändlin usem Aargau, de Glarner Pfaarer Ulrich Knoepfel, d Ruth Pfister und de Daniel Reuter[4] vo Züri.

D Geschäftsstell z Bärn het öppe 35 Aagstelti, wo in vier verschidne Abteilige schaffe:

  • Chilebezihige
  • Institut für Theologi un Ethik
  • Zentrali Dienscht
  • Kommunikazion

D Leitig vo de Gschäftstell übernimmt nach de Pensioniirig vom Theo Schaad uf de 1. Jänner 2011 de Philippe Woodtli.

S höchschti Organ vom SEK isch d Abgordneteversammlig, wo zweimol im Johr zämechunt.

Mitgliedchilene[ändere | Quälltäxt bearbeite]

  • Reformirti Landeschile Aargau
  • Evangelisch-reformirti Landeschilene vo beide Appizell
  • Evangelisch-reformirti Chile vom Baselbiet
  • Evangelisch-reformierti Chile vo Basel-Stadt
  • Reformirti Chiuche Bärn-Jura-Soledurn
  • Evangelisch-reformirti Chiuche vom Kanton Fryburg
  • Église Protestante de Genève
  • Église Évangélique Libre de Genève
  • Evangelisch-Reformirti Landeschile vom Kanton Glaris
  • Evangelisch-Reformirti Landeschile Graubünde
  • Evangelisch-Reformirti Chile vom Kanton Lozärn
  • Église réformée évangélique du canton de Neuchâtel
  • Evangelisch-Reformirti Chile Nidwalde
  • Verband vo de Evangelisch-Reformirte Chilegmeinde vom Kanton Obwalde
  • Evangelisch-reformirti Chile vom Kanton St. Galle
  • Evangelisch-reformirti Chile vom Kanton Schaffhuse
  • Evangelisch-reformirti Kantonalchile Schwyz
  • Evangelisch-Reformirti Chile im Kanton Soledurn
  • Chiesa evangelica riformata nel Ticino
  • Evangelischi Landeschile vom Kanton Thurgau
  • Evangelisch-Reformirti Landeschile Uri
  • Église Évangélique Réformée du canton de Vaud
  • Evangelisch Reformirti Chile vom Wallis
  • Evangelisch-reformirti Landeskirche vom Kanton Züri
  • Evangelisch-reformirti Chilegmeinde vom Kanton Zug
  • Evangelisch-methodistischi Chile i de Schwiiz

Weblink[ändere | Quälltäxt bearbeite]

Fuessnoote[ändere | Quälltäxt bearbeite]

  1. http://warc.jalb.de/warcajsp/side.jsp?news_id=2189&part_id=0&navi=21 (Site cha nüme abgrüeft wärde; Suche im Webarchiv)[1] [2] Vorlage:Toter Link/warc.jalb.de
  2. Archivierte Kopie. Archiviert vom Original am 2011-08-13. Abgrüeft am 2012-09-13.
  3. http://www.recweb.org/index.php?section=149
  4. Daniel Reuter uf zhref.ch
Information icon.svg Dä Artikel basiert uff ere fräie Übersetzig vum Artikel „Schweizerischer_Evangelischer_Kirchenbund“ vu de dütsche Wikipedia.

E Liste vu de Autore un Versione isch do z finde.