Christlichsoziali Partei (CVP)

Us der alemannische Wikipedia, der freie Dialäkt-Enzyklopedy
Dä Artikel beschribt di Christlichsoziali Partei als Sekzion vo de CVP. Nöd zverwächsle mit de aigeständige Partei Christlich-soziali Partei (CSP) i de Schwiz.

Di Christlichsoziali Partei (CVP) isch e politischi Partei i de Schwiz, wo e Sekzion vo de CVP isch.

Gschicht[ändere | Quälltäxt bearbeite]

I de zwaite Hälfti vom 19. Johrhundert hät sich die katholisch Chile vermehrt mit de christliche Soziallehr agfange befasse. E Christlichsoziali Bewegig hät sich dänn aafangs 20. Johrhundert au i de Schwiz formiert. 1903 isch de Zentralverband vo christlichsoziale Organisazione vo de Schwiz gründed worde. E paar Johr spöter händ sich di christliche Bruefsverbänd zum Christlichsoziale Gwärkschaftsbund vo de Schwiz zämegschlosse und de Christlichsoziali Arbeiterbund vo de Schwiz isch gründed worde.

Di Schwizerisch Konservativi Volkspartei (KVP), eso hät d CVP damols no ghaisse, hät Problem gha, die konservative und soziale Strömige under ain Huet zbringe. Drum sind 1917 im dütschsprochige Tail vom Wallis, 1919 im Kanton Lozärn und 1966 im Kanton Friburg aigeständigi christlichsoziali Parteie gründed worde. I anderne Kantön sind si Gruppierige innerhalb vo de CVP blibe.[1]

Weblink[ändere | Quälltäxt bearbeite]

Fuessnoote[ändere | Quälltäxt bearbeite]

  1. Christlichsoziali Bewegig im Historische Lexikon vo de Schwiz