Département Meurthe-et-Moselle

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Koordinate: 48° 41′ N, 6° 10′ O

Meurthe-et-Moselle
Wàppe vum Departement Meurthe-et-Moselle
FinistèreCôtes-d’ArmorIlle-et-VilaineMorbihanLoire-AtlantiqueVendéeMancheMayenneOrneCalvadosMaine-et-LoireSartheIndre-et-LoireVienneDeux-SèvresIndreLoir-et-CherEureEure-et-LoirSeine-MaritimeOiseAisneSommePas-de-CalaisNordArdennesMarneMeuseMeurthe-et-MoselleHaute-MarneVosgesMoselleHaut-RhinBas-RhinTerritoire de BelfortCherLoiretYonneAubeCôte-d’OrNièvreHaute-SaôneEssonneYvelinesSeine-et-MarneVal-d’OiseHauts-de-SeineVal-de-MarneSeine-Saint-DenisParisDoubsJuraSaône-et-LoireAllierCreuseHaute-VienneCharenteCharente-MaritimeCorrèzeDordogneGirondePuy-de-DômeLoireRhôneAinHaute-SavoieCantalLotSavoieHaute-LoireIsèreArdècheLandesLot-et-GaronneHautes-AlpesDrômeAlpes-MaritimesVarAlpes-de-Haute-ProvenceVaucluseBouches-du-RhôneGardHéraultLozèreAveyronTarnTarn-et-GaronneGersPyrènèes-AtlantiquesHautes-PyrénéesAudePyrénées-OrientalesHaute-GaronneAriègeHaute-CorseCorse-du-SudVereinigtes KönigreichAndorraGuernseyJerseyNiederlandeBelgienLuxemburgDeutschlandLiechtensteinMonacoÖsterreichSchweizItalienSpanienLàg vum Departement Meurthe-et-Moselle in Frànkrich
Iber des Bild
Region Grand Est
Präfektür Nancy
Unterpräfektür(e) Briey
Lunéville
Toul
Iiwohner 733.760 (1. Jan. 2019)
Bevelkerungsdìchte 139 Iiw. pro km²
Fleche 5.283,52 km²
Arrondissement 4
Kommünàlverbànd 20
Kànton 23
Gmeind 591
Präsident vum
Départementrot
Mathieu Klein[1]
ISO-3166-2-Code FR-54
Làg vum Meurthe-et-Moselle
Làg vum Département Meurthe-et-Moselle ìn der
Region Grand Est

S Département Meurthe-et-Moselle [mœʀtemɔˈzɛl] (dytsch Mörthe und Mosel) isch s franzöösische Departemänt mit dr Ornigsnummere 54. Es lit im Nordoste vom Land in dr Region Grand Est und si Naame chunnt vo de Flüss Meurthe und Mosel. D Hauptstadt (Präfektur, franzöösisch préfecture) isch Nancy, Underprefektuure si Briey, Lunéville und Toul.

Geografii[ändere | Quälltäxt bearbeite]

S Departemänt gränzt im Norde an die belgischi Brovinz Luxeburg und an Luxeburg, im Nordoste an s Département Moselle, im üsserste Südoste an s Département Bas-Rhin, im Süüde an s Département Vosges und im Weste an s Département Meuse.

S Wabbe[ändere | Quälltäxt bearbeite]

In Gold e roote Schreegrächtsbalke mit drei gstümmlete[2] silbrige Adler (Alérion) druf, begläitet vo zwäi blaue schreegrächts ligenden Wälleläiste.

Daas isch s Wabbe vom alte Herzogdum Lothringe, wo sich s Depatemänt in dr Middi von em befindet, ergänzt um die bäide blaue Wälleläiste, wo d Flüss Meurthe und Mosel sümbolisiere.

Wie s Departemänt noch em Dütsch-Franzöösische Chrieg 1871 entstande isch

Gschicht[ändere | Quälltäxt bearbeite]

S Departemänt isch am 7. Septämber 1871 mit de vier Arrondissement Briey, Lunéville, Nancy und Toul gründet worde.

Wo Frankriich dr Dütsch-Franzöösisch Chrieg 1871 verloore het, ischs Elsass und vor allem dr dütschsproochig Däil vo Lothringe as „Riichsland Elsass-Lothringe“ an s nöigründete Dütsche Riich aagschlosse worde; doodrvo isch vor allem dr grösst Däil vom Département Moselle und d Arrondissements Sarrebourg und Château-Salins vom Département Meurthe betroffe gsi. D Gebiet vo de bäide Départements, wo bi Frankriich bliibe si, het mä no in däm Joor zum nöije Département Meurthe-et-Moselle zsämmegläit.

Die hütigi Gränze zwüsche de Départements Moselle und Meurthe-et-Moselle isch vo 1871 bis 1919 d Staatsgränze zwüschen em Dütsche Kaiserriich und dr Dridde Franzöösische Rebulik gsi. Wo Dütschland noch em Erste Wältchrieg 1919 noch em Verdraag vo Versaille s Gebiet vom Riichsland wider an Frankriich het müesse zrugggee, si d Staatsgränze vo 1871 zu de Gränze zwüsche de Departemänt worde.

Vo 1960 bis 2016 het s Departemänt zur Regioon Lothringe ghöört, wo 2016 Däil vo dr Regioon Grand Est worde isch.

Stedt[ändere | Quälltäxt bearbeite]

D Gemäinde mit de mäiste Iiwooner vom Departemänt Meurthe-et-Moselle si:

Stadt Iiwooner
(2019)
Arrondissement
Nancy 105.058 Nancy
Vandœuvre-lès-Nancy 29.942
Lunéville 17.867 Lunéville
Toul 15.633 Toul
Longwy 14.774 Briey
Villers-lès-Nancy 14.525 Nancy
Pont-à-Mousson 14.497
Laxou 14.366
Maxéville 9.818
Saint-Max 10.019

D Gliiderig vo dr Verwaltig[ändere | Quälltäxt bearbeite]

S Departemänt Meurthe-et-Moselle gliideret sich in 4 Arrondissements mit 23 Kantöön und 592 Gmäinde:

D Gmäinde und Arrondissemente im Departemänt Meurthe-et-Moselle
Arrondissement Kànton Gmeinde Inwohner
1. Januar 2019
Fleche
km²
Dicht
Inw./km²
Code
INSEE
Briey 6 128 000000000167755.0000000000167.755 –  –  541
Lunéville 3 164 000000000077284.000000000077.284 –  –  542
Nancy 16 188 000000000420120.0000000000420.120 –  –  543
Toul 5 111 000000000068601.000000000068.601 –  –  544
Département Meurthe-et-Moselle 23 591 000000000733760.0000000000733.760     54

Verändrige[ändere | Quälltäxt bearbeite]

  • Vo 1926 bis 1943 isch s Arrondissement Toul ufglööst gsi.
  • 1997 isch d Ortschaft Han-devant-Pierrepont us em Kantoon Spincourt (Arrondissement Verdun) vom Departemänt Meuse in dr Kantoon Longuion (Arrondissement Briey) vom Departemänt Meurthe-et-Moselle iigliideret worde.
  • Wäge ere Änderig vom Waalrächt 2014 si d Kantöön nöi iidäilt worde. Statt 44 Kantöön isch s Departemänt jetzt in 23 Kantöön iidäilt.

Vercheer[ändere | Quälltäxt bearbeite]

Dur s Departemänt goot d Schnällfaarstrecki LGV Est européenne mit em 1510 m lange Mooselwiadukt bi Vandières.

Seenswürdigkäite[ändere | Quälltäxt bearbeite]

Weblingg[ändere | Quälltäxt bearbeite]

 Commons: Département Meurthe-et-Moselle – Sammlig vo Multimediadateie

Fuessnoote[ändere | Quälltäxt bearbeite]

  1. meurthe-et-moselle.fr (Memento vom 1. Novämber 2016 im Internet Archive) abgrüeft am 29. April 2015.
  2. ooni Chralle und Schnabel