Cortaillod-Kultur

Us der alemannische Wikipedia, der freie Dialäkt-Enzyklopedy
es Modäll vomene urgschichtleche Dörfli bi Cortaillod am Nöieburgersee

D Cortaillod-Kultur isch en urgschichtlechi Kultur i der Schwiiz gsi.

Bi den Archäologe gilt dä Name für en Kulturgruppe, wo i der Zyt vor öppe sächsehalb bis föifehalb Joortuusige bestande het. Me het i vilne Fundplätz vo der Weschtschwiiz bis zum Zürisee Überräschte vo Dörfer us dere Zyt entdeckt. Dä Fundoort, wo der Name härchunt, lyt bi der Ortschaft Cortaillod am Nöieburgerse. D Hüüsergruppe sind vo de Lüüt dozmol gärn am Ufer vo de Seeè ufgstelt worde. Die eltischti sötigi Sidlig isch am Zugersee bi Cham gstande.

I der Oschtschwiiz ääne isch ungfäär zu säbere Zyt und no chly spööter d Pfyner Kultur gsi.

Me weiss, ass d Cortaillod-Dörfer vo der Jagd, vom Fische und au scho vom Puure gläbt händ, mit Achere und Veezucht. Me het Wärchzüüg und Gräät us Schtei, Holz, Gweih und Lätt bruucht, und au Fääli, Tüecher und Schnüer; d Cheramik het deils ganz eifachi Verzierige gha, und nodisno isch s Chupfer als Material für Wärchzüüg und für Schmuck uufcho.

Literatur[ändere | Quälltäxt bearbeite]

  • Martin Dick: Wirtschaft und Umwelt cortaillod- und horgenzeitlicher Seeufersiedlungen in Zürich (Schweiz). Ergebnisse samenanalytischer Untersuchungen aus der prähistorischen Station „Mozartstrasse“. 1989, ISBN 3443640443
  • Jörg Schibler: The economy and environment of the 4th and 3rd millennia BC in the northern Alpine foreland based on studies of animal bones. In: Environmental Archaeology 11, 1, S. 49–64, 2006.
  • Alain Orcel, John Francuz: Les vestiges des villages Cortaillod, état des recherches en 1980 (sédimentologie, structures et chronologie). Bern 1981.