Gräät

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Gräät isch en Oberbegriff für en äinzelne Geegestand, wo rüümlig abgränzt isch, und/oder für e Grubbe vo Geegeständ, wo mit ene öbbis bearbäitet, härgstellt oder usgfüert cha wärde.[1][2][3]

Äinzelni Gattige vo Gräät si zum Bischbil Elektrogräät, Hushaltsgräät, Mässgräät, Baugräät, Apparäät, Maschine, Wärkzüüg, Radio- oder Färnseegräät.

E Gräät isch im Allgemäine us Baugrubbene ufbaut. Es cha aber au us ere Grubbe vo Gräät zämmegsetzt si, wo d Beziejig zwüschene nid äidütig bestimmt isch. Dr Kompiuter isch zum Bischbil e Gräät, wo periferiali Däil het, wo mäistens jeedes äinzel cha Verbindig ufnee und vilmol sälber as Gräät zelt.

In dr Technik will mä e Gräät as e Süsteem z charakterisiere, wo mäistens Signal umsetzt bzw. Informazioone verarbäitet. Im Geegesatz dodrzue wird e Maschine as e Süsteem definiert, wo vor allem Energii oder Stoff umsetzt. In dr Technik vo de Verfaare brucht mä für e Süsteem, wo Stoff umsetzt, au dr Begriff Apparat. In Badäntschrifte wärde für Gräät die allgemäinere Begriff Vorrichdig und Aaordnig verwändet.

Fuessnoote[ändere | Quälltäxt bearbeite]

  1. Gerät In: TheFreeDictionary, Farlex Inc.
  2. Gerät In: Digitales Wörterbuch der deutschen Sprache des 20. Jahrhunderts. Berlin-Brandenburgische Akademie der Wissenschaften (Hrsg.), 2003
  3. Gerät In: Karl Ernst Georges: Kleines deutsch-lateinisches Handwörterbuch. 7. Uflaag, Hannover und Leipzig 1910 (Nachdruck Darmstadt 1999), Spalte 1070-1071, Onläin-Usgoob vom Wörterbuech im zeno.org-Internetportal