Christoph Weber-Berg
De Christoph Weber-Berg (* 1964) isch en Schwiizer Pfarrer und Wirtschaftsethiker. Sit em 1. Ougschte 2012 isch er Chilerotspräsident vo de Reformierte Landeschile Aargau.
De Christoph Weber isch z Töüffetu und z Choom ufgwachse. D Kantonsschuel het er z Aarau und z Glaris bsuecht und im Aaschluss an d Matur evangelischi Theologii an de Uni Züri schtudiirt. Im Johr 1992 isch er vo de Reformierte Landeschile Aargau z Länzbrg zum «Verbi Divini Minister» ordiniirt worde. Er het dann Stellverträtige z Thun und z Murte gmacht und isch drufabe vo 1995 bis ins 2001 Pfarrer in de Chilegmeind Länzbrg-Hendschike gsi. Vo 2001 bis 2008 het er d Fachschtell «Kirche & Wirtschaft» vo de reformierte Landeschile vom Kanton Züri ufbout und gleitet und er het en Usbildig zum Master of Business Administration (MBA) in Nonprofit Management an de Uni Frybùrg gmacht. Vo 2009 bis 2012 isch er Leiter vom Center for Corporate Social Responsibility an der Hochschuel für Wirtschaft Züri gsi. D Synode vo de Reformierte Landeschile het ihn bi de Sitzig vom 6. Juni 2012 z Sohr zum Nachfolger vo de Claudia Bandixen gwählt. Sis Amt het er am 1. Ougschte 2012 aaträte.[1]
Weblinks
[ändere | Quälltäxt bearbeite]Einzelnachweise
[ändere | Quälltäxt bearbeite]- ↑ Verabschiedung von Claudia Bandixen Archivlink (Memento vom 20. Augschte 2012 im Internet Archive)