Charlotte Schneidewind-Hartnagel
| Dialäkt: Undermarkgreflerisch |
D Charlotte Schneidewind-Hartnagel (* 1953 z Göttingen) isch e dytschi Bolitikeri (Bindnis 90/Di Griene).
Uusbildig un Beruef[ändere | Quälltäxt bearbeite]
D Schneidewind-Hartnagel het anne 1973 am Alte Churfirschtlige Gymnasium z Bensheim s Abitur gmacht. Derno het si Germanischtik, Anglischtik un Publizischtik an dr Georg-August-Universitet z Göttingen studiert un ab 1986 Bedriibswirtschaftslehr an dr Fachhochschuel vum Land Rhyland-Pfalz z Worms. Um des Zyt isch si au Mitgliid im Studäntebarlemänt vu dr FH FH Rhyland-Pfalz Worms un Studänteverdrätteri im Senat gsi. Anne 1989 het si s Examen as Diplom-Bedriibswirti abschlosse. Ab 1978 het si ne Lektoratsvolontariat im Agora-Verlag, Akademy vu dr Chinscht z Berlin, gmacht. Ab 1980 het si bi FWS Worpswede gschafft un isch 1985 zue dr Telecommunication Schöpp GmbH z Bensheim gwächslet. Syt 1990 het si bi dr dr Prässestell vum Bundesverband vum Dytsche Gieterfärnverchehr z Frankfurt am Main gschafft, ab 1996 as Prässereferänti vu dr Frauebeufdraite z Bensheim un syt 2000 as freii Schurnalischti.
Bolitischi Laufbahn[ändere | Quälltäxt bearbeite]
D Schneidewind-Hartnagel isch im Johr 1998 Grindigsmitgliid vu dr Alternative Griene Lischt un bis 2007 dert au im Vorstand gsii. Anne 2005 isch si in dr Chraisvorstand Odewald-Kraichgau gwehlt wore un 2006 isch si Mitgliid vu dr Landesarbetsgmainschaft FrauenPolitik wore.
Bi dr Bundesdagswahl im Johr 2009 isch si Kandidati fir dr Dytsch Bundesdag im Wahlchrais Rhy-Negger un uf dr Landeslischt gsii, isch abwer nit gwehlt wore. Im nämlige Johr isch si Mitglid vum Barteirot vu dr Griene vu Bade-Wirttebärg wore un ai Johr speter Mitgliid vu dr Programmkommission. Anne 2011 isch si fir dr Wahlchrais Sinsheim in Landdag gwehlt wore. Wu si hätt chenne in Bundesdag noorugge, het si dodruf verzichtet.
Im Landag isch si Mitgliid im Uusschuss fir Arbet un Sozialornig, Familie, Frauen un Seniore, im Uusschuss fir Ländlige Ruum un Verbruucherschutz un in dr Enquetekommission „Pflege“. Derzue isch si stellverdrättend Mitgliid im Uusschuss fir Kultus, Juged un Sport, im Uusschuss fir Verchehr un Infrastruktur, im Petitionsuusschuss, im Uusschuss no Artikel 62 vu dr Verfassig (Notbarlemänt) un im Uusschuss fir Integration.
In dr Griene-Fraktion isch si frauebolitischi Sprächeri vu ihre Fraktion un Sprächeri fir Verbruucherschutz. Bi dr Nomininierig fir d Landdagswahl 2016 isch si ihrem Barteifrynd Hermann Katzenstein in ere Kampfabstimmig unterläge.
Sunschtigs Engaschmänt[ändere | Quälltäxt bearbeite]
- Mitgliid im Bundesfrauerot
- Mitgliid im Zentrum für Europäischen Verbraucherschutz
- 1994 bis 1997 Mitgliid im Vorstand vum AK Elternbeiräte der Bensheimer Kindergärten
- 2001 bis 2007 Elterebyreti un Mitgliid vu dr Schuelkumferänz am Hohenstaufen-Gymnasium
- 2001 bis 2007 Mitgliid im Landeselterebyrot
- 2005 bis 2007 Gsamtelterebyrotsvorsitzeri vu dr Eberbacher Schuele
- Mitgliid im Byrot fir dr Schuelerwettbewärb vum Landdag vu Bade-Wirttebärg fir d Ferderig vu dr bolitische Bildig
- Mitgliid bi dr Grüne und Alternative in den Räten von Baden-Württemberg (gar)
- Mitgliid bi Mehr Demokratie e. V.
- Mitgliid in dr Stiftung Klimaschutz+
- Mitgliid in dr Arbeitsgemeinschaft für interkulturelle Frauenbegegnung
- Mitgliid bim Interkultureller Garten e. V.
- Mitgliid bim LandFrauenverband Württemberg-Baden e. V.
- Mitgliid bim Deutsch-Amerikanisches-institut (dai)
- Mitgliid bim Institut Solidarische Moderne
Privats[ändere | Quälltäxt bearbeite]
D Schneidewind-Hartnagel isch ghyrote un het e Dochter (* 1991). Si wohnt mit ihre Famile z Eberbach.
Weblinks[ändere | Quälltäxt bearbeite]
Commons: Charlotte Schneidewind-Hartnagel – Sammlig vo Multimediadateie