Charles Vögele Holding

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dialäkt: Züritüütsch
Charles Vögele Holding AG
Logo
Unternähmensform Aktiegsellschaft
ISIN CH0006937772
Gründig 1955
Sitz Fryebach, Schwiiz
Leitig

Markus Voegeli
(Vorsitzer vo de Gschäftsläitig)
Hans Ziegler
(VR-Präsident)

Mitarbeiter 7'279 (2011)[1]
Umsatz 1,207 Mrd. CHF (2011)[1]
Branche Äinzelhandel
Uffdritt im Netz www.charles-voegele.com

D Charles Vögele Holding AG (au Charles Vögele Gruppe) isch es Schwiizer Mode-Äinzelhandelsundernäme mit Sitz im Ortstäil Pfäffike vo de Gmäind Fryebach. D Charles Vögele Holding hät 857 Filialen i de Schwiiz, z Tüütschland, z Öschteriich, z Belgie, i de Niderlande, z Slowenien, z Ungarn und au z Tschechien und z Pole. D Undernämesgruppe hät per 31. Dezämber 2011 7'279 Mitarbäiter bschäftiget und im Gschäftsjaar 2011 en Umsatz vo 1,207 Milliarde Schwiizer Franke erwirtschaftet.

Gschicht[ändere | Quälltäxt bearbeite]

Hauptsitz z Pfäffike SZ

S Undernämen isch 1955 vom Charles Vögele und sinere Frau Agnes gründet worde. 1979 hät Vögele dur Zuechäuf uf Tüütschland und 1994 uf Öschteriich expandiert. Sit em Börsegang 1999 isch d Charles Vögele Holding AG a de Schwiizer Börse SIX Swiss Exchange kotiert. Mit der Ablösig vom Carlo Vögele als Verwaltigsraatspräsident isch 2005 de Wandel vo de Familie- zur Publikumsgsellschaft au im Verwaltigsraat vollzoge worde.

De Firmegründer Charles Vögele isch am 21. April 2002 im Alter vo 79 Jaar gstorbe. Är isch en Soon gsii vom Karl Vögele und en Brüeder vom Max Vögele, em Gründer vo de Karl Vögele AG.

Am 27. April 2014 het d Migros bekannt ggää, dass si ire Aatäil vo fascht 25 % an Charles Vögele uf 19,7 % wett reduziere.[2]

Nach Umsatzverlüscht hät d Charles Vögele Holding im Auguscht 2016 aagchündt, e Räie vo ire Filiale z schlüüsse. Am 19. Septämber 2016 hät de Verwaltigsraat vom Undernäme de Aktionär äistimmig empfole, s öffetlich Chaufaagebot vo 6,38 Franke je Aktie von ere Inveschtoregruppe um der italienisch Chläiderkonzärn OVS aaznää.[3]

Weblink[ändere | Quälltäxt bearbeite]

 Commons: Charles Vögele – Sammlig vo Multimediadateie

Fuessnote[ändere | Quälltäxt bearbeite]

  1. 1,0 1,1 charles-voegele.com: Geschäftsbericht 2011
  2. Migros reduziert Beteiligung an Charles Vögele (abgrüeft am 27. April 2014).
  3. Charles Vögele kapituliert Neue Zürcher Zeitung, 19. Septämber 2016
Information icon.svg Dä Artikel basiert uff ere fräie Übersetzig vu dere Version vum Artikel „Charles_Vögele_Holding“ vu de tüütsche Wikipedia.

E Liste vu de Autore un Versione isch do z finde.