Chablais

s Wappe vom Chablais

s Kurbad Évian-les-Bains um 1900

di höchsti Erhebig vom Chablais isch d Haute Cime vo de Dents du Midi

s Schwiizer Chablais vom Gämfersee zu de Dents du Midi

Als Chablais (vom latinische caput lacus «Haupt vom [Gämfer]see») wird s Gebiet südlich und östlich vom Gämfersee bezeichnet.

Geografii

De grösseri westlichi Teil vom Chablais – s Seeufer um d Städt Thonon-les-Bains und Évian-les-Bains und s Yzugsgebiet vom Fluss Dranse – ghört zum französische Département Haute-Savoie. De schwiizerischi Aateil, wo vo de Rhone durflosse wird, setzt sich us em Walliser Bezirk Monthey und em Waadtländer Bezirk Aigle zäme.

Geografisch ghört s Chablais zu de Savoyer, Friburger und Bärner Alpe. Mit 3257 m bildet d Haute Cime vo de Dents du Midi im Walliser Teil vo de Savoyer Alpe di höchsti Erhäbig.

De französischi Teil vom Chablais wird syt 2012 vo de UNESCO under em Marggename Geopark Chablais als UNESCO Global Geopark uszeichnet.

Wiigebiet

S Chablais as Wiigebiet erstreckt sich uf de rächte Site vo de Rhone, vom Gämfersee bis uf Bex und ghört zum Kanton Waadt. Bekannti Ortschafte vo de Wiiregion Chablais AOC sind: Villeneuve, Yvorne, Ollon, Bex und Aigle mit em Wiibaumuseum im Schloss.

Weblink

 Commons: Chablais – Sammlig vo Multimediadateie

• Jean-Jacques Bouquet: Chablais. In: Historisches Lexikon vo dr Schwiiz.
• Chablais uf dr Plattform ETHorama
• Région Chablais s Webportal vom schwiizerische Chablais

Einzelnachwys

Dä Artikel basiert uff ere fräie Übersetzig vum Artikel „Chablais“ vu de dütsche Wikipedia. E Liste vu de Autore un Versione isch do z finde.