Bonifatius IV.

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Bonifatius IV., Darstellig in dr Basilika Sankt Paul vor dr Muure

Dr Bonifatius IV. (* z Valenia (Abruzze); † 25. Mai 615 z Rom?) isch vu 608 bis zue sym Dood Papscht un Bischof vu Rom gsii.

Lääbe un Wirke[ändere | Quälltäxt bearbeite]

Dr Bonifatius isch e Suhn vun eme Dokter gsii. Är isch e Mench im Benediktiner-Orde gsii, iber syni theologisch Uusbildig waißt mer aber nyt. Är isch in Dienscht vum Papscht Gregor I. drätte un vum Papscht as Dispensator yygsetzt wore. Am 15. Septämber (no andere Aagabe am 25. Augschte) 608 isch dr Bonifatius Noofolger vum Papscht Bonifatius III. wore, wu am 12. Novämber 607 gstorben isch. Syne guete Beziehige zum Chaiser Phokas vum Oschtremische Rych isch s verdanke, ass d Chilche s Pantheon gschänkt kriegt het, en Rundböu, wu dr Gettermueter Kybele un allne Getter gweit gsii isch. Är het s derno dr Gottesmueter un allne Märtyrer gweit un 28 Chaare mit Bai us dr Katakombe vu Rom in di nei Chilche bringe loo. Glychzytig het er dr Chrischehait s Fescht Allerhailige gstiftet.

As Papscht het er si derfir yygsetzt, ass Ängland missioniert woren isch un di dertige chilchlige Bryych reguliert wore sin. Au zue dr gallische Chilche het er gueti Beziehig bflägt.

Sy Mahndag isch dr 8. Mai.

Literatur[ändere | Quälltäxt bearbeite]

  • Friedrich Wilhelm Bautz: Bonifatius IV. In: Biographisch-Bibliographisches Kirchenlexikon (BBKL). Band 1, Hamm 1975, Sp. 688–689.

Weblink[ändere | Quälltäxt bearbeite]

 Commons: Bonifatius IV. – Sammlig vo Multimediadateie
VorgängerAmtNachfolger
Bonifatius III.Papscht
608–615
Adeodatus I.
Information icon.svg Dä Artikel basiert uff ere fräie Übersetzig vu dere Version vum Artikel „Bonifatius_IV.“ vu de dütsche Wikipedia. E Liste vu de Autore un Versione isch do z finde.