Adeodatus I.

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
dr Adeodatus I., Darstellig in dr Basilika Sankt Paul vor dr Muure

Dr Adeodatus I. (mer chänt en au as Deusdedit I.; † 8.Novämber 618 z Rom) isch vum 19. Oktober 615 bis zue sym Dood Papscht gsii.

Lääbe[ändere | Quälltäxt bearbeite]

Är isch z Rom as Suhn vum Subdiakon Stephanus uf d Wält chuu, s gnau Datum waißt mer nit. S haißt, dr Adeodatus sei Benediktinermench gsii, des isch aber nit sicher. Vor dr Wahl zum Papscht isch er rund 40 Johr lang Presbyter z Rom gsii. Är isch am 8. Novämber 618 iz Rom un im Petersdom vergraabe woore. An waas er gstoorbe isch, waißt mer nit, vermuetli an dr Pescht.

Pontifikat[ändere | Quälltäxt bearbeite]

Är isch dr Eerscht, wu me päpschtli Siigel (bulla) uf offiziälle Dokumänt bruucht het. S isch us Blei gsii un het dr Chrischtus as guete Hiirt zaigt, s Alpha un s Omega un d Ufschrift „Deus dedit Pape“.[1] Us däre Zyt stammt au dr Uusdrck Päpschtligi Bulle. Im Gegesatz zue syne Vorgänger het er d Chilcheämter nit nume an Adligi un ryychi Buurger vergee, nai, är het aa dr aifach Klerus gfeerderet un di Gaischtlige gee bolitischi Ibergriff gschitzt. Umstritte isch sy Anornig „Hic constituit secundam missam in Clero“[2], wun er aageebli dr Bruuch soll ufglupft haa, ass in aim Gotteshuus nume ai hailig Mässopfer pro Daag derf gfyyrt wääre.

Legänd[ändere | Quälltäxt bearbeite]

Chuurz no syre Wahl, anne 615, het s z Rom e Lepra-Epidemy gee. Dr Adeodatus het Soorg ghaa zue dr Chranke. Im Martyrologium Romanum haißt s, ass er en Uussätzige mit eme Schmutz soll ghailt haa.

Verehrig[ändere | Quälltäxt bearbeite]

Är wird in dr reemisch-kadoolische Chilche as Hailige verehrt. Dr kadoolisch Mahndaag isch sy Doodesdaag, dr 8. Novämber. Är wird im Papschthees dargstellt mit dr Tiara un eme Chryzstäcke mit 3 Querbalke als Attribut.

Literatur[ändere | Quälltäxt bearbeite]

  • Friedrich Wilhelm Bautz: Deusdedit (auch als Adeodatus I. bezeichnet). In: Biographisch-Bibliographisches Kirchenlexikon (BBKL). Band 1, Hamm 1975, Sp. 1274.
  • Lexikon der Heiligen, S. 16/17, Verlagsgruppe Weltbild, Augsburg, 2005, ISBN 3-8289-4980-0.

Weblink[ändere | Quälltäxt bearbeite]

 Commons: Adeodatus I – Sammlig vo Multimediadateie

Fueßnote[ändere | Quälltäxt bearbeite]

  1. Claudio Rendina, Donatella Paradisi, Le strade di Roma. Volume 1, S. 46. ISBN 88-541-0208-3
  2. Stadlers Vollständiges Heiligenlexikon [1]
VorgängerAmtNachfolger
Bonifatius IV.Papscht
615–618
Bonifatius V.
Information icon.svg Dä Artikel basiert uff ere fräie Übersetzig vu dere Version vum Artikel „Adeodatus_I.“ vu de dütsche Wikipedia. E Liste vu de Autore un Versione isch do z finde.