Bhüet Euch!

Bhüet Euch! isch e Jodelmäss mit Mundartlieder us dr Schwiiz.

Ane 2011 het dr Verband für Chilemusig vom Bischtum Basel s Jubiläum vo 125 Joor sit syneri Gründig gfyret. Do derzue het er es grosses Programm mit Musig i alne Deil vom Bischtum organisiert; die Feschtreje het cantars – Chilegsangsfescht 2011 gheisse.

Für d cantars–Fyyr i dr Stiftschile Sankt Leodegar im Hoof z Luzärn het dr Chilemusiker Wolfgang Sieber, wo dört uf dr Orgele spiilt, bi dr Komponischtin Marie-Theres von Gunten-Walthert vo Beatebärg es neus Stuck bstellt. Das isch d Jodelmäss Bhüet Euch!. D Marie-Theres vo Gunte het vo irem Brueder Jules Walthert z Dagmerselle dr Tieläkttegscht vo de Lieder lo schrybe und denn het si derzue d Melodie gsetzt. S Hauptlied vo dr Jodelmäss foot a mit em Värs:

«Bhüet euch Gott uf allne üchne Wääge, bhüet euch Gott uf Wasser, Bärge, Schnee, […].»

Am 2. Juni 2011 isch d Jodelmäss i dr Luzärner Hofchile s erschte Mol ufgfüert worde. D Marie Theres vo Gunte isch d Dirigäntin vom Jodlerchörli vo Göiesee im Luzärnbiet und vom Wäber-Chörli vo Bärn, und die hend zäme d Lieder und d Jodelgsäng vortreit, begleitet het se dr Wolfgang Sieber uf dr grosse Hoforgele.

Ane 2014 und 2017 het d Marie-Theres vo Gunte mit em Jodelchörli Göiesee d Jodelmäss Bhüet Euch! z Züri i dr chrischtkatolische Auguschtynerchile jewyle inere eucharistische Fyyr chönne bringe. D Fyyr vom 22. Oktober 2017 het s Schwiizer Radio und Färnseh für die ganzi Düütschschwiiz übertreit.

Weblink

• Mundartmäss Bhüet euch! i dr Auguschtynerchile z Züri