Bettingen BS

Us der alemannische Wikipedia, der freie Dialäkt-Enzyklopedy
Hops zue: Navigation, Suech
S BS im Lemma isch s offiziell Chürzel vom Kanton Basel-Stadt und wird bruucht, zum Verwächslige mit Yträäg vom Name Bettingen vermyde, wo öppis anders meined.
Bettige
Wappe vo Bettige
Basisdate
Staat: Schwiiz
Kanton: Basel-Stadt (BS)
Bezirk: (Dr Kanton Basel-Stadt kennt kei Bezirk.)w
BFS-Nr.: 2702i1f3f4
Poschtleitzahl: 4126
Koordinate: 617043 / 26895947.5711117.6651138378Koordinaten: 47° 34′ 16″ N, 7° 39′ 54″ O; CH1903: 617043 / 268959
Höchi: 378 m ü. M.
Flächi: 2,23 km²
Iiwohner: 1211 (30. Juni 2014)[1]
Website: www.bettingen.ch
Charte
Charte vo Bettige
www
Dialäkt: Baseldütsch

Bettige (amtlig uf Hochdütsch: Bettingen) isch e politischi Gmeind rächts vom Rhii und näbe Rieche die einzigi Landgmeind vom Kanton Basel-Stadt in dr Schwiiz.

D Nochbergmeinde vo Bettige si s baselstedtische Rieche und Gränzach-Wyhle und Inzlige z Bade-Württebärg.

Gmeind[ändere | Quälltäxt bearbeite]

D Chille St. Chrischona z Bettige

D Gmeind bestoht us zwei grundverschiidene Siedlige: Zum einte us em eigentlige Dorf Bettige, enere alemannische Hofsiidlig, was an der typische Namensendig ‘-ige’ dütlig wird. S Dorf lit in ere Mulde zwüsche de Höchene drum ume. Andrersits git s die beachtligi Hüüsergrubbe uf dr Chrischonahöchi rund um die ehemoligi Wallfahrtschille. Die Siidlig goht uf d Gründig vo dr Pilgermission im Johr 1840 dur e Christian Friedrich Spittler zrugg.

Politik[ändere | Quälltäxt bearbeite]

D Exekutive vo Betteige isch dr Gmeindiroot, wo fümf Mitgliider het. Er dagt im allgemeine einisch in dr Wuche im Sitzigszimmer im Gmeindihuus. D Sitzige si nit öffentlig, d Beschlüss wärde aber veröffentligt.

D Mitgliider vom Gmeindiroot, wo für d Amtsperiode 2007 bis 2011 gwehlt worde si, si dr Presidänt Willi Bertschmann-Unholz, dr Verantwortlig für e Ressort Finanze / Rächt, dr Thomas U. Müller, für e Ressort Bau dr Patrick Götsch, für die Öffentlige Dienst dr Marco Fini und für Bildig, Kultur und Sozials dr Olivier Battaglia.

D Legislative isch d Gmeindiversammlig, wo im allgemeine zwei Mol im Johr stattfindet. Z Bettige chönne usländischi Iiwohner as Gest zur Gmeindiversammlig cho.

Usserdäm git s divärsi Kommissione, wo für e Gmeindiroot Projekt usarbeite.

Sehenswürdikeite[ändere | Quälltäxt bearbeite]

Scho 1356 isch zum erste Mol e Gotteshuus uf der St. Chrischona erwähnt worde, wo an dr Stell baut worde siig, wo noch dr Legände dr Liichnam vo dr Heilige Chrischona begrabe isch. 1925 isch d Siidlig dur s Diakonisse-Mueterhaus und e Pflägiheim erwiiteret worde; südlig drvo befindet sich d Chrischona-Klinik, wo vo dr Bürgergmeind Basel zwüsche 1963 und 1965 baut worden isch.

Dr markantist Punggt vo Bettige isch dr Färnsehdurm vo dr Swisscom wo uf dr St. Chrischona stoht und wo 1984 in Betriib gnoh worden isch. Er isch mit 250 m s höchste frei stehende Bauwärk in dr Schwiiz und stoht uf em höggste Punggt im Kanton Basel-Stadt.

Verchehr[ändere | Quälltäxt bearbeite]

D Buslinie 32 vo dr BVB verbindet Bettige und St. Chrischona mit em Nochverchehrslinienetz vom Tarifverbund Nordwestschwiiz.

Bevölkerig[ändere | Quälltäxt bearbeite]

Bevölkerigsentwigglig[ändere | Quälltäxt bearbeite]

Johr 1774 1815 1850 1900 1920 1941 1950 1960 1970 1980 1990 2000 2008
Iiwohner 193 233 279 490 505 441 553 765 1 062 1 161 1 069 1 151 1175

D Bevölkerigsdichti bedrait 31.8 Pers./ha. Ändi 2008 si fast e Viertel vo de Iiwohner (24,3 %) Usländer gsi.

Religion[ändere | Quälltäxt bearbeite]

D Religionszueghörigkeit het sech in de letzte 30 Johr erheblig veränderet.

Religionszueghörigkeit vo dr Bevölkerig Ändi 2008 und in Chlammere 1980[2]

kei Religion 39,1 % (16,2)
protestantisch 35,9 % (67,3)
römisch-katholisch 15,9 % (15,2)
anderi Bekenntnis 9,1 % (1,3)

Weblingg[ändere | Quälltäxt bearbeite]

 Allmänd (Commons): Bettingen – Sammlig vo witere Multimediadateie

Nowiis[ändere | Quälltäxt bearbeite]

  1. Bevölkerung nach Geschlecht, Heimat und Gemeinde (XLS, 73 kB). Statistisches Amt des Kantons Basel-Stadt. Abgerufen am 1. August 2014.
  2. Statistischs Amt vom Kanton Basel-Stadt
Information icon.svg Dä Artikel basiert uff ere fräie Übersetzig vu dere Version vum Artikel „Bettingen_BS“ vu de dütsche Wikipedia.

E Liste vu de Autore un Versione isch do z finde.