St. Chrischona

Dialäkt: Baseldütsch

D St. Chrischona Chille

D Chille St. Chrischona stoot uf em St. Chrischona Bärg im Kanton Basel-Stadt.

D Legände

Dr Legände nooch goot St. Chrischona uf drei Schwestere, d Ottilie, d Chrischona und d Margarethe zrugg. Jeedi häig uf äim vo de drei Hüügel in dr Umgääbig vo Baasel e Chille baut, und vo jeedere Chille us het mä die andere bäide chönne gsee. Vo St. Chrischona z Bettige gseet mä also St. Ottilie im dütsche Ort Düllige und St. Margarethe z Binnige.

Bis zur Reformazioon isch St. Chrischona e Wallfaartsort gsi.

S Geböid

Die ersti Chille isch um 700 baut und im 9./10. Joorhundert erwiteret worde. S hütige Geböid isch im 15. Joorhundert entstande, dr Westdurm 1450–1460 und am Aafang vom 16. Joorhundert dr Chor (1503–1509) und s Schiff (1513–1516). Wäärend em Drissigjöörige Chrieg isch d Chille vo schwedische Druppe gschändet und blünderet worde. Si isch denn immer mee vernoochlässigt worde und 1818 het mä sä sogar as Stall brucht. 1839 het dr Christian Friedrich Spittler d Erlaubnis überchoo, d Chille z renoviere, und in dr Sakristei isch 1840 d Pilgermission St. Chrischona gründet worde, wo s au hüte no git.

Weblingg

 Commons: St. Chrischona (Bettingen) – Sammlig vo Multimediadateie

• St. Chrischona uf altbasel.ch

47.5730555555567.68522