Bettina Oberli

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

D Bettina Oberli (* 6. Novämber 1972 z Inderlache) isch e Schwyzer Filmreschiseeri un Draaibuechautoori.

Lääbe[ändere | Quälltäxt bearbeite]

D Bettina Oberli isch z Samoa, wu iri Eltere in dr Entwickligshilf gschafft ghaa hän, un z Meiringe ufgwagse. No dr Schuel het si s Leererseminaar z Bärn absolviert un derno vu 1995 bis 2000 an dr Hochschuel fir Gstaltig un Chunscht Züri Film/Video studiert. Anne 2000 het si ire HGKZ-Diploom as Filmrescheeri gmacht. Dodruf het si divärsi Assischtänzstelle z New York un z Berlin ghaa. Ire erfolgryychscht Film bishäär isch Die Herbstzeitlosen (2006) gsii. Iri chuurze un lange Spiilfilm sin uf Feschtival uf dr ganze Wält zaigt woore un sin in verschiidene Länder im Kino z sääne gsii. Ddernääbe drillt d Bettina Oberli au Musikvideo un Chuurzfilm. Im April 2013 het si am Theater Basel mit «Anna Karenina» iri eerscht Biine-Inszänierig zaigt.

D Oberli isch ghyroote mit em franzeesisch-schwyzerische Kameramann Stéphane Kuthy.[1][2]

Filmografy (Uuswaal)[ändere | Quälltäxt bearbeite]

  • 2000: Supernova (Chuurzfilm; Draaibuech, Reschy)
  • 2002: Ibiza (Chuurzfilm; Draaibuech, Reschy)
  • 2004: Im Nordwind (Draaibuech, Reschy)
  • 2006: Die Herbstzeitlosen (Draaibuech, Reschy)
  • 2009: Tannöd (Draaibuech, Reschy)
  • 2012: Déposer les enfants (Co-Drehbuch, Co-Reschy mit em Antoine Jaccoud)
  • 2013: Lovely Louise (Draaibuech, Reschy)
  • 2017: Private Banking (zweedailige Fäärnseefilm: Reschy, Draaibuech)
  • 2018: Le Vent Tourne (Co-Draaibuech, Reschy)

Uuszaichnige[ändere | Quälltäxt bearbeite]

  • 2001: Nominierig fir dr Max-Ophüls-Bryys in dr Kategory „Beschte Chuurzfilm“ fir Supernova
  • 2001: Prix Suissimage fir dr beschte Schwyzer Noowugsfilm fir Supernova
  • 2002: Bryys fir Chinderchuurzfilm bi dr Oberhausener Kurzfilmtage fir Ibiza
  • 2004: Nominierig fir dr Zabaltegi-Noowugsbryys am Filmfeschtival San Sebastian
  • 2005: Nominierig fir dr Schwyzer Filmbryys in dr Kategory „Beschte Spiilfilm“ fir Im Nordwind
  • 2005: Reschybryys Filmkunstfest Schwerin fir Im Nordwind
  • 2005: Zürcher Filmbryys fir Im Nordwind
  • 2006: Bryys vu dr Ekumeenische Jury am Filmfeschtival Setubal (Portugal) fir Die Herbstzeitlosen
  • 2007: Prix Walo fir Die Herbstzeitlosen – Beschte Film, beschti Schauspiileri
  • 2010: Nominierig fir dr Schwyzer Filmbryys in dr Kategory "Beschte Spiilfilm" fir Tannöd
  • 2010: Spezialbryys vu dr Jury vum Schwyzer Filmbryys fir d Kameraaarbet an dr Stéphane Kuthy fir Tannöd
  • 2010: Zürcher Filmbryys fir Tannöd
  • 2013: Nominierig fir dr Schwyzer Filmbryys in dr Kategory "Beschter Chuurzfilm" fir Déposer les enfants
  • 2014: Nominierig fir dr Schwyzer Filmbryys in dr Kategory "Beschti Filmmusik" fir Lovely Louise
  • 2018: "Beschti Hauptdaarstelleri" un "Beschti Nääbedaarstelleri" bim Schwyzer Filmbryys fir Private Banking
  • 2018: "Variety Piazza Grande Award" am Locarno Film Feschtival fir Le Vent Tourne
  • 2019: "Best International Feature Film" am Santa Barbara Film Feschtival fir Le Vent Tourne

Literatur[ändere | Quälltäxt bearbeite]

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. Sylvia Vogel: Schweizer Dream-Team. In: schweizer-illustrierte.ch. Schweizer Illustrierte, 11. November 2009, abgerufen am 29. Juni 2018.
  2. Cinzia Venafro: «Wir wollen Arbeit und Familie nicht trennen». In: blick.ch. Blick, 4. September 2013, abgerufen am 29. Juni 2018.