Die Herbstzeitlosen

Filmdate
Dütsche Titel	Die Herbstzeitlosen
Originaltitel	Die Herbstzeitlosen
Produktionsland	Schwiz
Originalsprooch	Schwizerdütsch
Erschiinigsjoor	2006
Lengi	90 Minute
Altersfreigoob	FSK 12
Stab
Regie	Bettina Oberli
Dräibuech	Bettina Oberli Sabine Pochhammer
Produktion	Alfi Sinniger
Muusig	Luk Zimmermann
Kamera	Stéphane Kuthy
Schnitt	Mike Schaerer
Bsetzig
Stephanie Glaser: Martha Jost Annemarie Düringer: Frieda Eggenschwyler Monica Gubser: Hanni Bieri Heidi Maria Glössner: Lisi Bigler Hanspeter Müller-Drossaart: Walter Jost Manfred Liechti: Fritz Bieri Peter Wyssbrod: Ernst Bieri Monika Niggeler: Shirley Bigler Walter Ruch: Herr Loosli Matthias Fankhauser: Heimleiter Brunner Lilian Naef: Vreni Jost Alice Brüngger: Lotte Andreas Matti: Fahrlehrer Fankhauser Urs Bihler: Stoffverchäufer z Bärn

Die Herbstzeitlosen isch e Schbiilfilm vo dr Schwizer Reschissörin Bettina Oberli us em Joor 2006. D Komödie basiert uf eme gmäinsame Dräibuech vo dr Oberli und dr Autorin Sabine Pochhammer und handlet vo dr Martha, wo z Trueb e Dorflaade het. Si beschliesst noch em Dood vo iirem Maa e Lingerie-Butik ufzdue und wird drbii vo iire Fründinne understützt. D Hauptrolle het d Stephanie Glaser übernoo. Anderi Rolle häi d Heidi Maria Glössner, d Annemarie Düringer und d Monica Gubser.

Dr Film thematisiert under anderem s gstörte Verheltnis zwüsche de Generazioone und d Entmündigung und Verdrängig vo de Alte.

Dr Film isch vom Schwizer Färnsee mitbroduziert worde und isch vom 5. Oktober 2006 aa in dr Schwiz ufgfüert worde. Öbbe 590'000 Lüt häi en aagluegt und er isch die erfolgriichsti Brodukzioon vom Joor gsi. Die Herbstzeitlosen isch hinder em Rolf Lyssy sim Die Schweizermacher (1978) und em Mike Eschmann sim Achtung, fertig, Charlie! (2003) uf em dritte Blatz vo dr ewige Besteliste vom Schwizer Kino.

Uszäichnige

• Bi dr 33. Usgoob vom Prix Walo am 22. April 2007 het dr Film in dr Kategorii Filmprodukzioone gwunne.
• Dr «Publikumspreis SF Schweizer Film mit Bluewin» am 17. Januar 2008 dank dr beste Publikumsbewärtig (5,83) und de höggste Zueschauerzaale bi dr Free TV Premiere (1'339'700)
• "Bester Film" und "Beste Hauptdarstellerin" (Annemarie Düringer) am Filmfestival Cinéma Tout Ecran Gämf 2006,
• Im Herbst 2012 sind i drüü Samschtigobig-Sändige mit em Name Gipfelstürmer noch ere repräsentaive Umfroog under 30 Vorschlääg e Rangliste vo Schwizer Film erstellt worde. Die Herbstzeitlosen isch zum „Unvergesslichsten Schweizer Film“ erklärt worde und das no vor Mein Name ist Eugen (2005) und Die Schweizermacher (1978).

Weblingg

• Die Herbstzeitlosen in dr Internet Movie Database
• Die Herbstzeitlosen, Informatione bi Swiss Films, abgrüeft am 13. Oktober 2012
• Altweiberfrühling, Theaterstück mit em gliiche Inhalt und meerere Originaldarstellerinne, abgrüeft am 13. Oktober 2012

Fuessnoote

Dä Artikel basiert uff ere fräie Übersetzig vu dere Version vum Artikel „Die_Herbstzeitlosen_(2006)“ vu de dütsche Wikipedia. E Liste vu de Autore un Versione isch do z finde.