Benutzer Diskussion:Greifensee

Salü, i ha dyni Aafrog bim Melancholie gsehe un unterstütz dich bi dym Vorhabe. Güet dass emol öber d'Initiativ übernimmt, i ha bi Meta emol gschrybe dassi dich debi unterstütz. Jetz hanni e Frog: Als was gnau siehsch du d'Ufgab vum alemannische Wikibooks? Dass mer eifach d'dütschi Usgab übersetzt bringt natürlich wenig. I fänds au emol wichtig dass mer s'alemannischi Wikiquote un Wikisource aktiviere, do git's mit Sicherheit e huufe Material defür. Grüess (in d'Südoschtschwiiz, hanni rächt?), --Chlämens 04:36, 27. Feb. 2007 (CET)

lösche

Sali

Bitte bruch, wenn de e Artikel zer Löschig vorschloo wotsch d' Vorlage {{Löschen|… --~~~~}} oder {{Löschen-Stumpe|… --~~~~}} wo de au unde bi de Teggschtbaustei findsch. Dodrmit finde mir Admins Löschwünsch schnäller. Und wenn e LA (Löschatrag) stellsch, denn due dr bisherigi Teggscht nid lösche - au so sin mir Admins schnäller. Merci für din Ysatz! --Dr Umschattig red mit mir 22:57, 28. Feb. 2007 (CET)

Wikibüecher

Glückwunsch dass Admin worre bisch. I chönnt mer denke dass Material zur Alemannische Sproch güet do na ghört; dr Albärt het glaub scho emol gseit dass mer imene Wikipedia-Artikel ebe kei Sproch-Aaleitige bringe chönnt, frog de doch emol. Natürlich sötte d'Projekt sich ergänze un kei Konkurens mitenander ha. Zu technischi Sache frog besser de Melancholie oder no besser de Manuel. Eigetlich no wichtiger wie s'Wikibooks findi Wikiquote un Wikisource, do git's nämli scho Material wo numme no gsammelt werre müsst. --Chlämens 17:42, 1. Mär. 2007 (CET)

Quelle

Salü, i glaub s'längt wenn du bimene Artikel wo d'dütschi Wikipedia als Quelle het eifach de Übersetzighyweis ynedüsch, do stoht jo wo d'Versione un Autore z'finde sin. No besser isch natürlich mer schrybt e weng öbis andres un meh wie uf dr dütschi aastatt mer übersetzt numme. --Chlämens 19:48, 3. Mär. 2007 (CET)

Aatraag

Lueg b:Benutzer_Diskussion:Greifensee#Aatraag --- MfG, Melancholie 01:25, 4. Mär. 2007 (CET)

Übersetzighyweis

Nooch welle Kriterie fügsch du eigetlich de Hyweis yne? Johann Peter Hebel isch praktisch komplet vum Albärt mühsam rescherschiert un eigeständig gschrybe, Elsass isch au kei Übersetzig, Hochrhy au nüt. Aber do wonner rechtfertig isch, z.B Ernst Nobs heschen drno wiider use. --Chlämens 14:44, 5. Mär. 2007 (CET)

Kategorie

Sali Gryffesee

Du hesch verschideni neui Kategorie erstellt. Beacht doch bitte, dass normalerwyys Kategorie uff alemannisch - nid uff schriftdütsch - erstellt wärde und dodrvo abgseh du d Kategorie bis jetzt nid ins Kategoriesystem ibunde hesch. So entstön verwaisti Kategorie, wo me nid findet --Dr Umschattig red mit mir 13:03, 10. Mär. 2007 (CET)

Sali, ich möcht dich nomoll idringlich bitte, bim Neualeege vo Kategorie druff z'achte, dass die ins Kategoriesyschtem iibindisch. Susch nütze Kategorie nüd. Falls de Frooge hesch, mäld di! Liebi Griess --Dr Umschattig red mit mir 20:31, 28. Mär. 2007 (CEST)

Wort-fir-Wort-Ibersetzige

I han emol im Artikel Zypern (Insel) e baar grammatischi Korrektüre gmacht, lueg aü in dr Diskussion. I bi iberzeigt, ass Dü diä Fähler bim alltäglige Rede nit machsch - si kumme durs Wort-fir-Wort-Ibersetze. Dich do z verbessere, isch sicher ke Broblem fir Dich! --Albärt 21:39, 14. Mär. 2007 (CET)

I ha de Artikel Troodos-Gebirge glese und festgstellt, as do e Wort-för-Wort-Öbersetzig vorlit und mini Mainig dezeu gschribe: Diskussion:Troodos-Gebirge. Vellicht sött mer emol e Spezialsite mache, wo s Öbersetze behandlet. (Obwohl i de Mainig bi, as en Artikel wo us de aigne Werchstatt chunnt besser isch, as en Öbersetzig.) Sone Wort-för-Wort-Öbersetzig nimmt doch em Alemannische öppis vom Blüemliduft eweg, findsch nöd o? --al-Qamar 16:51, 28. Mär. 2007 (CEST)

Schwa

Salü Greifensee, I seh dass du de unbetonte Vokal (Schwa) meischtens miteme <ä> schrybsch. I wot dir zwar nüt in dyni Schrybig ynerede, aber de Buechstab ä wird grad im Schwiizerdütsche eigetlich numme für s'"helli a" vo Wörter wie "Wätter" oder "Läbe" bruucht. De Schwa het im Alemannische glaub kei bsunders wichtigi Roll, deswege chammern ruhig miteme <e> schrybe. So Sache macht jeder wenner aafängt Dialäkt z'schrybe, mer isch sich no nüt sicher was mer i dr Schrift unterscheide muess un was nüt. Grüess, --Chlämens 16:03, 28. Mär. 2007 (CEST) PS:lueg emol uf Wikipedia:Bsunders glungeni Artikel/Kandidate un stimm am beschte glych ab!

Bilder

Sali

Bitte due bim Bilder hochlade - wie bi dr dütsche Wikipedia - d Lizenzierig nid vergässe: E Bild ohni wikikonformi Lizänz muess glöscht wärde! Meh erfahrsch under WP:LFB --Dr Umschattig red mit mir 23:56, 28. Mär. 2007 (CEST)

Löschaktion vo Dinene Untersiite

Hoi Griiffesee, tu hesch meriri Untersiite mit Text us de Tütsche Wikipedia, wo Du Der vorgnoo hesch, si z öbersetze. Die liget abe scho lang ume, oni as näbis passiert isch. Da git aber e Puff i de Kategorie und bide Interwiki. Drum tueni ales wa nöd öbersetzt isch (oder nu e bitzeli) lösche. Du chasch jederzit wenn wider afangsch de Text us de Tütsche WP kopiere; het de Vortail, ass si aktueller sind. --al-Qamar 12:14, 22. Nov. 2007 (CET)

Din neue Artikel Schweizerische Nationalbank

Sali Greifensee!

Härzlig willkomme bi dr alemannische Wikipedia! Es freut uns sehr, ass du au scho en erschte Artikel bi uns erstellt hesch. Demit dä Artikel aber au gnueg Sinn git und für anderi Läser spannend isch, hämmer d'Regle, ass en Artikel mindeschtens fünf eigeständigi Setz muess ha (ohni statistischi Date, Infoboxe etc.). Me dodrzue findsch unter Wikipedia:Artikel. Din neue Artikel Schweizerische Nationalbank längt do leider noni ganz. Mr wäre froh, wenn en no es bizz usbaue kenntsch. Es wär schad, wenn mr dr Artikel lösche miesste. Wenn de Froge hesch, denn mäld dich eifach und schriib dini Froog do undedra. Härzligi Grüess --Strommops ð 14:37, 8. Aug. 2009 (MESZ)

Welcome back! --Holder 10:18, 9. Aug. 2009 (MESZ)

Untersytä

Hoi Greifensee, ufem Stammtisch hani dini vile Underiite zur Diskussion broocht. Do si sit drai Joor nöme editiert wore sind und zum allergrööscht Tail nöd öberrsetzt sind, schlooni vor, as di maiste glöscht wered. S wäär guet, wenn Du bi de Diskussion au tailnee chönntsch. --al-Qamar 18:27, 3. Mär. 2011 (MEZ)

Yyladig zum Schrybwettbewärb

Solly Greifensee,

Wänn's im Fall no nit gsee hesch: grad zur Zyt lauft wiider en Schryybwettbewärb do uff de alemannische Wikipedia. Vilycht e Glägeheit, wiider emool aktiv z werde? En liebe Gruess, --Terfili (Diskussion) 21:27, 13. Nov. 2021 (MEZ)