D Baasler Kunstszeene

Dialäkt: Baseldütsch

D Baasler Kunstszeene isch dr wirtuell Ruum, wo sich Künstler, Kunstliebhaber, Kunsthändler und anderi, wo sich mit Kunst befasse, in dr Stadt Baasel din beweege.

E starke Iifluss uf d Kunstszeene häi Iirichdige wie dr Baasler Kunstveräin, s Kunstmuseum, d Art Basel oder dr Kunstkredit, wo d Künstler diräkt understütze oder zwüsche iine und de Kunstliebhaaber vermiddle. Im Fall vo Kunstmässe wie dr Art Basel isch s Inträssi vo de Organisatore primär finanziell, wie vilmol au daas vo de Köifer, wo Kunst as Inwestizioon gseen wie Goldbaare. Ass d Art Basel iire Standort hüte no z Baasel het, isch nume no historisch bedingt. Au Galerie müesse vom Gäld häär richdig stoo, aber die mäiste gseen d Förderig vo lokaale oder vo junge Talänt as e wichdigi Däil vo iirer Aarbet. So isch d Galerii vom Ernst Beyeler noch sim Dood zwar zuedoo worde, aber er het si Vermööge dr Fondation Beyeler vermacht, eme Kunstmuseum z Rieche, wo die brivaati Kunstsammlig vom Ehebaar Beyeler für d Öffentlikäit zuegänglig macht. Bi de öffentlige Instiduzioone wie em Kunstkredit isch d Förderig vo de Künstler us dr Regioon d Hauptufgoob; d Museum hingeege gseen sich as Bewaarer und Vermiddler vo Kunst im Allgemäine, häi aber vilmol e bsundrig positivs Verheltnis zu lokaale Künstler.

Kunstmuseum in und um Baasel

• Fondation Beyeler
• s Huus für elektronischi Künst
• Kunsthalle Baasel
• Kunsthuus Baaselland
• Kunstmuseum Baasel
  • Museum für Geegewartskunst
• Skulpturhalle Basel
• Museum Tinguely

Förderorganisazioone

• Atelier Mondial, en internazionaals Usduschbrogramm für Künstler in de Sparte bildendi Kunst, Fotografii, Video, Danz/Performance, Litratuur und Digitali Kunst
• dr Kunstveräin
• dr Kunstkredit
• Kaskadekondensator Baasel, e Veräin, wo will zitgenössischi Kunst vermiddle
• Maecenas-Stifdig, wo sich für d Erhaltig vo antiker Kunst iisetzt
• visarte region basel, e Bruefsverband vo Mooler, Bildhauer und Archidekte us dr Regioon Baasel mit öbbe 280 Mitgliider mit eme äigene Ustelligsruum. (Website)
• DOCK für d Vermiddlig vo Kunst us dr Regioon Baasel mit Archiv und Künstlerdaatebank (Website)

Galerie

Verein Galerien Basel (Website)

Anne Mosseri-Marlio Galerie Balzer Projects Daniel Blaise Thorens Galerie Carzaniga GmbH Galerie des 20. Jahrhunderts Galerie Henze & Ketterer & Triebold, Rieche Galerie Mäder Galerie Stampa

Galerie von Bartha Gisèle Linder Graf & Schelble Galerie Idea fixa Kunsthalle Palazzo, Liestel Laleh June mitart gallery Tony Wuethrich Galerie