Palmrainbaan

Weil am Rhy–Saint-Louis
Streckelengi:	5,63 km
Spurwyti:	1435 mm (Normalspur)
Legende Rhydalbaan vo Monnèm 0,000 Weil am Rhy, aafänglich Weil-Leopoldshöchi Rhydalbaan gu Bàsel Bad Bf un Fryburg 1,9 Haltepunkt Haltingè-Süd ca. 2,6 Zollbaanhof Palmrain Obberrhy (280 m) ca. 4,0 Hüningè Elsässer Obberrhybaan gu Bàsel Französischè Bf un Müllhuusè Bf 5,6 Saint-Louis im Obberelsass, aafänglich St. Ludwig

D Baanschtreggi Leopoldshöchi–Sankt Ludwig, au als Palmrainbaan benamst, isch è 5,63 Kilometer langi, nit elegtrifizyrti un durchgöngigi eingleisigi Hauptbaan z Baddè, im Dreiländeregg bi Bàsel gsi. Si hèt vo Weil-Leopoldshöchi in èm Linksbogè unter dè Rhydalbaan durrègfüürt, denn witter bis zum Gränz- odder Zollbaanhof Palmrain, dirèkt denõch übber dè Obberrhy, welli si mi Hǜlf vo dè Palmrainbrugg öppè 1,2 km nördlich vom Staatsgränzè-Dreiegg Dütschland-Frankrych-Schwiz übberquert hèt. Nõch Hüningè hèt Streggi im obberelsässischè Saint-Louis bzw. bis 1919 z Sankt Ludwig uffghört. In Saint-Louis isch d Palmrainbaan mit dè obberelsässischè Magischtralè Mullhuusè–Basel vobundè gsi.

Gschichtè

D Baanschtreggi Leopoldshöchi–St. Ludwig isch am vo dè Baddischè Staatsbaan als Strategischi Baan für d Umgehig vo dè Schweiz erschtellt worrè. Schu am 11. Februar 1878 isch è Baanlinniè zwǜschè Weil un St. Ludwig eröffnet worrè, dõdemit isch s Elsaß, wo im dütsch-französischè Chrièg vom Dütsche Rych erobert worrè isch, auch ganz im Südè vokeersmäßig mit èm Rych vobundè worrè. D Palmrainbaan isch mit dè Gartèbaan vu Weil witer gu Lerrach gfüürt worrè un dõdemit gu Oschtè a s südbaddischè Ysèbaanetz am Hochrhy aghängt worrè. D Palmrainbaan hèt dè Obberrhy übber diè aalt Palmrainbrugg bassyrt. D Palmrain- un d Gartèbaan sin 1890 mit ère Ketti vo strategischè Baanlinniè durch Südbaddè un Obberschwòbè mit dè Bundesfeschtung z Ulm vobundè worrè.

• 
  D Streggi im Netz vo dè Regio-S-Baan
• 
  D Streggi als Deil vom strategischè Baanbau zwǜschè 1887 un 1890 für d Umgehig vo dè Schwiz

Luèg au

• Gartèbaan Weil am Rhy–Lerrach
• Wyysèdalbaan

Literadur

• Julius Kraus: Die strategische Eisenbahn: Leopoldshöhe – St. Ludwig. Leopoldshöhe – Weil – (durch den Tunnel) Lörrach. Im: S Markgräflerland, Heft 2/1986, S. 81–98

Weblingg

• Informationè übber d Palmrainbaan