Baanhof Stei-Säckingè

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Empfangsgebäude Stei-Säckingè
Baanschteig (Bligg in Richtig Rhyfäldè)

Stei-Säckingè isch è Baanschtation i dè Schwiz. D Station lyt uff èm Gmeindegebièt vo Stei im Kanton Aargau. Dè Doppelnammè mit Säckingè isch wegè dè uff dè anderè Sitè vom Hochrhy ligendè badischè Stadt Säckingè (un zu dè Unterscheidig vo anderè Ört namens Stei i dè Schwiz) aghängt worrè. S Pendant zum Baanhof Stei-Säckingè lyt z Säckingè am Nordufer vom Hochrhy, heisst Baanhof Säckingè un lyt a dè Hochrhybaan.

D Station Stei-Säckingè isch è Abzweigschtation un lyt a dè Bözbärglinniè vo dè Schwizerischè Bundesbaanè zwischè Bàsel un Züri. Er isch zämmè mit dè Baanschtreggi Brattèlè-Brugg (Bözbärglinniè) am 2. Auguscht 1875 als Durchgangsbaanhof eröffnet worrè. Im Zämmèhang mit dè Eröffnig vo dè Baanschtreggi Stei-Säckingè – Koblènz am 1. August 1892, isch er zum Vozwygigsbaanhof umbaut worrè.

Bim Baanhof git s è Unterwärch, i dèm Baanschtròm i d Faarleitig gschpisè wörd, wo uss dè Übberdrägigsleitig vo Rupperswyl hèr chunnt.

Betrièblichs[ändere | Quälltäxt bearbeite]

Stei-Säckingè cha vo Bàsel uus halbschtündlich mit dè Linniè S1 vo dè Regio S-Baan Bàsel erreicht wörrè, dört deilt sich d Linniè in èn Ascht nõch Frick bzw. i dè eischpurige Sitèascht nõch Laufèburg. Denebbè haaltet no stündlich d Interregio-Züüg vo Bàsel gu Züri.

Diè meischtè Güèterzüüg übber dè Gotthard faared durch sellèn Baanhof durrè, well d Bözbärgschtreggi d Hauptzuèfaartachsè vom Rangyrbaanhof Muttènz zum Gotthard hy isch. Au d Züüge zwûschèm Rangyrbaanhof Muttènz un èm Rangyrbaanhof Limmetdal faared i dè Regèl durch den Baanhof durrè. D Streggi uff Koblènz wörd vo einigè Güèterzüüg befaarè; es handelt sich dòby zmeischt um Tankzüüg zum Drybschtofflager nõch Glattbrugg un Rèkingè. Mengmòl git s au Zuè- un Abfuurè nõch Leibschtadt un Full.

Gschtüèret wörd dè Baanhof übber è elegtronischs Stellwärch vom Tûp Simis W. Übber s glyche Stellwärch erfolgt au d Stüèrig vo dè Baanhööf Sisslè un Laufèburg.

Ufäll[ändere | Quälltäxt bearbeite]

Im Johr 1991 isch im Baanhof Stei-Säckingè bi nèm durrèfaarendè Güèterganzzug, dè mit Benzin beladè gsi isch, èn Zischternèwagè un i dè Folg au diè nõchfolgendè Wägè entgleist. Dõby sin einigi Wägè Leck gschlagè un es isch zuè nèm Grossbrand cho. Sellè Ufall hèt zwar keini Dotè odder Schwèrvoletzti gforderèt, hèt abber zu dè schwèrschtè Gfòòrguètufäll i dè Neuzit bi dè Schwizer Ysebaanè ghört (nebbè Au SG, 1989 un Züri Affoltèrè, 1994).

Weblingg[ändere | Quälltäxt bearbeite]

 Commons: Baanhof Stei-Säckingè – Sammlig vo Multimediadateie
Information icon.svg Dä Artikel basiert uff ere fräie Übersetzig vu dere Version vum Artikel „Bahnhof_Stein-Säckingen“ vu de dütsche Wikipedia.

E Liste vu de Autore un Versione isch do z finde.

47.5415757.949186Koordinaten: 47° 32′ 29,7″ N, 7° 56′ 57,1″ O; CH1903: 638440 / 265775