Pariser Nordbaanhof
| Gare du Nord | |
|---|---|
 | |
| Hauptygang vom Baanhof | |
| Daate | |
| Bedriibsart | Kopfbahnhof |
| Perron | 31 (devò 4 im Dǜèfgschoss) |
| Passaschier | ca. 493.000[1] |
| Eröffnig | 20. Juni 1846 |
| Architektonischi Date | |
| Archidekt | Jacques Hittorff (Umbau 1861 - 1866) |
| Laag | |
| Stadt | Paris |
| Département | Paris |
| Region | Île-de-France |
| Staat | Frankreich |
| Koordinate | 48° 52′ 58″ N, 2° 21′ 24″ O |
| Iisebahnstreckene | |
| Lischte vo de Bahnhööf z Frankriich | |
Dè Pariser Nordbaanhof (französisch: Gare de Paris Nord,[2] öfters kurz Gare du Nord), lyt im 10. Arrondissement vo Paris am Place Napoléon III. un isch dè am meischtè frequèntyrte Baanhof z Europa.[3] Däglich wörred a sellèm Kopfbaanhof öppè è halbi Million Faargäscht abgfèrtiget.
Gschichtè
[ändere | Quälltäxt bearbeite]
Dè Vorgänger vom Nordbaanhof isch dè am 20. Juni 1846 ygweite un vo dè Familliè Rothschild finanzyrte Belgische Baanhof. Desèbb hèt allerdings schu 1854 s aaschtygende Vokeersuffchò nimmi hèt chönnè stämmè, wa sich bsunders bo, Bsuèch vo dè Queen Victoria zeigt hèt, dèrrè iren Sonderzùg i dè letschtè Minutè zum benõchbòrtè Pariser Oschtbaanhof (Gare de l'Est) umgleitet wörrè hèt müèsè.[4]
Dè Bräsident vo dè Ysèbaagsellschaft Chemins de fer du Nord, dè James Mayer Rothschild, hèt dè Architèkt Jakob Ignaz Hittorff, wo uss Köln chò isch un z Paris gläbbt hèt, zämmè mit èm Köhler Heiner) mit dè Baublaanig beuffdraagt. Im Mai 1861 isch mit èm Bau aagfangè worrè, dè Baubüèz isch bis Dezembèr 1865 gangè. Schu wôrend èm Schaffè isch dè Baanhof am 19. April 1864 uff gmacht worrè, obwoll am EG nõ witeri einèhalb Johr baut worrè isch. Diè 180 Meter langi Prunkfassadè[5] isch um èm großè voglastè Bogè ummè aaglait worrè. S Bauwärch hèt die üblichi U-Form von èm Kopfbahnhof uffgwisè. Dè neue Baanhof hèt è Flächi vo 3,2 ha un isch dõmit dreimal so groß wiè sin Vorgänger.
D Fassadè vom ehemòligè Belgischè Baanhof isch nõch Lille translozyrt un dört um è zuèsätzlichs Stockwärch un èn Uhrdürmle, als Fassadè vom Baanhof Lille-Flandres widdervowendet worrè.[6]
Im Zúg vo dè Yrichtung vom RER isch d Ligne de Sceaux vom Baanhof Luxembourg unterirdisch bis zum Nordbaanhof volängerèt worrè, um si dört mit dè Streggi nõch Mitry-Claye zämmè z lismè. Für selli neui Nord-Süd-Vobindig (d Linniè B vo dè RER) isch vo 1977 bis 1981 dè Baanhof mit èm virgleisigè unterirdischè Deil erwiterèt worrè, wo spôter au d Züüg vo dè RER D uffgnõ worrè sin.
Barallel zum Bau vo dè LGV Nord isch dè Baanhof umfassend umbaut woorè, well mit dè Inbedrybnaam vo dè Streggi un vom Eurodunnel mit èrè Steigerung vo dè Aazaal Reisendè vo 21 uff 36 Millionè bro Johr grechnèt worrè isch. Unter andrem isch è unterirdischs Parkhuus mit 1300 Stellblätz für Pkw gschaffè worrè.[7] Dè Nordbaanhof isch è Baanhof für d Vorschtädtler („Banlieusards“), well 85 Brozènt vo allnè Faargäscht dõdezuè ghörèd. Sèll hochi Zaal a Pendler isch au kei wunder, well s im Nordè vo Paris i dè Regionè a dè unterè Seine un witer bis in nordfranzösischè Spitz vom Hexagon bim Département Pas-de-Calais wǜrtschaftlich nit so edel lauft, diè für Frankrych tǜpischè Zentralisyrig erledigt dè Rèscht.
Aabindig
[ändere | Quälltäxt bearbeite]
Grandes lignes (Fèrnvokeer)
[ändere | Quälltäxt bearbeite]International
- Eurostar gu London
- Thalys gu Brüssel (è Zugbaar gòt witer bis Oschtènde), Amschterdam un Köln (drei Zugbärli gön witer nõch Essè).
Dè Nachtreisezùg CNL nõch Bèrlin un Hamburg vokeert sit 2008 vom Oschtbaanhof, d Streggi füürt nimmi übber Lüttich un Köln, sondern übber Lothringè un s Saarland.
National
- TGV gu Lille un Arras
- Intercités-Vobindigè nõch Boulogne-sur-Mer un Maubeuge/Cambrai
- Linniè vom TER Picardie
Regionalvokeer
[ändere | Quälltäxt bearbeite]
- Dè Baanhof isch im Regional- un Nõvokeer Uusgangspungt vo dè Transilien-Streggè Paris Nord, also dè Transilien-Linniè H un K in Richtig Beauvais, Compiègne, Crépy-en-Valois un Pontoise.
- Im unterirdischè Baanhof (franz.: gare souterraine) haalte d RER-Linniè B un D, also S-Baanè i s nördliche Umland. Am Baanhof aagschlossè isch au d Station Magenta a dè RER-Linniè E.
Stadtvokeer
[ändere | Quälltäxt bearbeite]Im Baanhof haaltè d Linniè 4 un 5 vo dè Pariser Métro. Mit dè M4 in Richtig Porte d’Orléans cha mò übrigens dirèkt d Baanhööf Gare de l'Est un dè Weschtbaanhof erreichè. Sell isch insofèrn intressant, well s bi Baanreisè via Paris sèlbscht mit èm TGV kaum Möglichkeitè (Stand: Juni 2015) git, en passant a Paris vorby z chò. asè muè mò z. B. bi nèrè Reis vo Monnèm odder Kölle i d Bretagne bis zum Oscht- bzw. Nordbaanhof, dürt umschtygè i d M4 bis Montparnasse, un vom Weschtbaanhof mit èm Zùg witer i d Bretagne faarè. Zwei Nõchdeil hèt sell Prozedere: Èrschtens vomischet sich d Bassagyrschtröm vo dè Durchreisendè un èm innerstädtischè Vokeer un zweitens koschtet dè Stadt-Transfer vom Nord- odder Oschtbaanhof uugfäär 45-50 Minutè bis zum Weschtbaanhof.
Grùscht
[ändere | Quälltäxt bearbeite]- A dè Fassadè vom Baanhof sǜmbolisyred acht Frauèschtatuè wichtigi Reisezyl: Brüssel, Amschterdamm, London, Wyn, Bèrlin, Warschau, Köln un Frankfort. Nõch Frankfort un Wyn sin vom Baanhof Paris-Nord abber niè Züüg abgfaarè.[8] Züüg mit sebbè Zyl hèn dè Oschtbaanhof bruucht (Gare de l'Est).
- Dè Baanhof isch Kulissè in mengè Film, unter anderem im D Bourne Identidät, D fabelhaft Wält vo dè Amély, Mitnand isch mò wènniger allei un Mr. Bean macht Feriè.
- Im Lièd Polaris vo dè amrikanischè Rock Band Jimmy Eat World wörd dè Baanhof erwäänt, ebbèso im Lièd Der Malocher vom Udo Lindèbärg.
- Wie unter m Oschtbaanhof schu erwäänt, ligèd dè Nord- un Oschtbaanhof z Paris relativ nõch binènand, bim Usègõ us èm Hauptportal eifach scharf links Richtig Oschtè haaltè, denn stòßt mò nôch öppè 300 m uff s Gleisfäld vum Oschtbaanhof, dört im rächtè Winkel nôch rächts d Stègè abbè bis zu dè Baanhofhallè vom Oschtbaanhof.
- Dè Nordbaanhof vofuègt ebbèso wiè dè Oschtbaanhof übber Gepäckschlièßfächer.
- Vom Nordbaanhof chunnt mò per pedes in ca. 20 min. zum Montmartre un zu dè Sacré-Cœur de Montmartre, dõdeby passyrt mò è rächt umdrybigs arabisches Quartyr am Südfuèß vom Montmartre.
Weblinggs
[ändere | Quälltäxt bearbeite]
Commons: Gare de Paris-Nord – Sammlig vo Multimediadateie- Baanhofsinfo vo dè SNCF (franz.)
- Bahnhof Paris-Nord. In: Structurae.
- www.paris.org: Gare du Nord (en., fr.) (Memento vom 5. Dezämber 1998 im Internet Archive)
Einzelnõchwys
[ändere | Quälltäxt bearbeite]- ↑ LA SATURATION DU RESEAU FERRE FRANCILIEN. Archiviert vom Original am 2. September 2009; abgruefen am 25. April 2010. (PDF; 685 kB)
- ↑ Paris Nord – Gares & Connexions. Abgruefen am 25. Mai 2015 (Websitè vo dè Bedrybergsellschaft vo dè Baanhööf z Frankrych).
- ↑ Richard Deiss: Flügelradkathedrale und Zuckerrübenbahnhof. Kleine Geschichte zu 200 europäischen Bahnhöfen. Bonn 2010, S. 46
- ↑ Deiss, S. 46.
- ↑ Datèbankydraag bi structurae.de
- ↑ Deiss, S. 47.
- ↑ Meldung Dritte TGV-Linie eröffnet. I dè: Eisenbahntechnische Rundschau. 42, Nr. 7/8, 1993, S. 432
- ↑ Deiss, S. 46.
|
Dä Artikel basiert uff ere fräie Übersetzig vu dere Version vum Artikel „Bahnhof_Paris-Nord“ vu de dütsche Wikipedia. E Liste vu de Autore un Versione isch do z finde. |