BLS RABe 535

Us der alemannische Wikipedia, der freie Dialäkt-Enzyklopedy
BLS RABe 535
BLS RABe 535
BLS RABe 535
Nummerierig: BLS RABe 535 101–125
Azahl: 25
Hersteller: Vevey Technologies (2008–2009)
Bombardier
Baujohr: 2008–2012
Achsformel: Bo'2'2'2'Bo'
Spurwiiti: 1435 mm
Längi über Kupplig: 62'710 mm
Höchi: 4315 mm
Breiti: 3030 mm
Dreihzapfenabstand: 13'250 mm / 14'170 mm
Dreihgstellachsstand: 2'500 mm / 2'700 mm
Leermasse: 105 t
Dienstmasse: 135 t
Höchstgschwindigkeit: 160 km/h
Duuerleistig: 1000 kW
Afahrzugkraft: 123 kN
Triibraddurchmässer: 750 mm
Laufraddurchmässer: 630 mm
Zahl vo de Fahrmotor: 4
Kuppligstyp: Scharfenberg
Sitzplätz: 1. Klasse: 28
2. Klasse: 143
Fuessbodehöchi: 605 mm / 905 mm
Niiderfluradeil: 85 %
Klasse: 1. und 2.

Der BLS RABe 535 «Lötschberger» isch en Niderfluer-Tribzug vom Härsteller Bombardier Transportation für de Regionalvercher. Ds Fahrzüg isch uf Usschribig vo der BLS für de Isatz als RegioExpress BernBrig via Lötschbergtunnel konzipiert. Es handlet sich um en diräkte Abkömmling vom Niderfluer-S-Bahn-Zug BLS RABe 525 «NINA».

Fahrzüg[ändere | Quälltäxt bearbeite]

Der RABe 535 isch en Witerentwicklig vom RABe 525, entwicklet vom Standort Aachen/Dütschland, erbaut vo Bombardier Transportation. Der vierteilig Tribzug het 85 % Niderfluer-Ateil. Under de Füehrerständ vo de beide Endwagn befind sich je es Drehgestell, zwüsche de Wagechäste befinde sich drei Jakobsdrehgestell. D Wagechäste sind in Stahl-Leichtbauwis gfertigt, d Füehrerständ bestöh us Polyester-Verbundstoff.

Der Tribzug isch klimatisiert und bietet 28 Plätz inder erst Klass und 143 Plätz inder zweit Klass. Multifunktions-Abteil biete Platz für Koffer, Velos und Chinderwage. In einem vo de Endwage befind sich es behindertegrächts WC mit geschlossenem Toilettensystem.

Technik[ändere | Quälltäxt bearbeite]

D Traktionsusrüschrig bsteit us zwei IGBT-Stromrichter mit Glichspannigszwüschechreis und total vier Asynchron-Fahrmotore vo je 250 kW Durleischtug. Es handlet sich um en Eisystem-Usrüschtig für ds inder Schwiz üblich 15 kV / 16 2/3 Hz-System. D Anfahrzugkraft betreit 123 kN gegenuber vo 105 kN vo dr «NINA».

Als Bremssystem sind en elektrischi Rekuperationsbremse, en Magnetschienenbremse, en ep-Bremse sowie en Federspeicher-Feststellbremse vorhande. D letztere zwei wirke uf d Radschibebremse.

Beidsitig isch je en Scharfenbergkupplung vorhande, das erloubt en schnällig Zug-Trennig respektiv -Kupplig. D RABe 535 sind technisch kompatibel zu de RABe 525, so dass frizügigi Kompositione mit beide Type gebildet wärde chöne. Ds isch im Jahr 2009 sehr hüfig notwendig gsi, da durch Liferverzögrige vom Härsteller und wäge diverse technische Störige ned genügend RABe 535 zur Verfüegig gstande sind.

Isatz[ändere | Quälltäxt bearbeite]

Lötschberger in Vilfachstürig mitre NINA uf der Lötschberg-Südrampe
RABe 535 114 mit Kambly-Werbig im Bahnhof Bärn

Mit der Inbetribnahm vom Lötschberg-Basistunnel verchere d Intercity-Züg vo Bärn ins Wallis sit Dezember 2007 nüme über d Lötschberg-Bergstrecki. D Erschliessig vom Kandertal und der Lötschberg-Südrampe wird sither mit Regio-Express-Züg «Lötschberger» Bern–Spiez–Brig sichergestellt. Da d Nachfrage zwüsche de Statione Bern und Spiez wäsentlich höcher isch als südlich vo Spiez, wird es Flügelzug-Konzept agwändet. Vo Bärn här wird ein in Dreifach-Traktion gefüehrte Zug in Spiez trennt; zwei Tribzüg verchere witer uf Brig, eine uf Zweisimmen. Zu Spitzezite cha ou en vierteilige Zug verwendet wärde, in Schwachlastzeite lengt en Doppeltraktion Bern–Spiez us. D RABe 535 sind für der Vercher konzipiert worde; durch d automatisch Kupplige isch en schnelli Zugs-Trennig respektiv -Verbindig ds Spiez möglich. Gägenuber dm Vorgängerzug RABe 525 isch der Komfort für d Reisende verbessert worde, da hie ou Erlebnis-Reisendi agsproche wärde sölle.

D 2006 bestellte 13 Fahrzüg hätti abem Fahrplanwächsel vom 14. Dezember 2008 vorwiegend für de RE Lötschberger (Bern) – Spiez – Brig und Richtig Zweisimme igsetzt wärde sölle. Wil sich d Fahrzüg-Lifrig verzögret het, hei d vorgesehene Dienschte zerst mit de ältere RABe 525 NINA gfahre wärde müesse. Wäge Kapazitätsengpäss zwüsche Zollikofen und Bärn sind diräkti Züg nur zu Randzite möglich gsi. Am 11. Dezember 2011 isch es dritts Gleis vo Zollikofen uf Rütti in Betrib gno worde, sither verchere alli RE Lötschberger bis Bärn.

Sit Dezember 2015 verchere uf der RegioExpress-Linie Bern–Langnau–Wolhusen–Luzern mehrheitlich – sit Dezember 2016 usschliesslich – Lötschberger-Kompositione. D RE-Züg vo Bärn uf Luzärn wärde fs Wolhuse mit der S7 vo Langenthal und Willisau (RABe 525 NINA) vereinigt und fahre kupplet uf Luzärn. Iner Gägerichtig findt d Trennig vo RE und S7 äbefalls ds Wolhuse statt. D Lötschberger-Fahrzüg chäme teilwis ou uf der S6 Luzärn–Wolhuse–Langnou zum Isatz.[1]

Da der bishärig Kambly-Werbezug bestehend us Re 465 und EW III nüme uf dere Strecki verchert, sind d beide Züg 114 und 115 mit Kambly-Werbig bechläbt worde.[2]

Strecke[ändere | Quälltäxt bearbeite]

D RABe 535 Lötschberger wärde uf folgende Strecke igsetzt: (Stand: Dezember 2022)

Abem Fahrplan 2023 wärde d Lötschberger vom Lötschberg abzoge und durch de MIKA abglöst und verkehre nümme uf de folgende Strecke:

Azahl[ändere | Quälltäxt bearbeite]

D BLS AG het 2008 en Option uf acht witeri Fahrzüg vo dem Typ iglöst, für de zuesätzlich Fahrzügbedarf decke ds chöne.[3] 2011 sind nomal vier Züg nahbstellt worde[4], wo bis Endi 2012 usglifert worde sind. Drei ersetze anderi Züg, der viert deckt Nahfragespitze ab.[5]

Toufnäme[ändere | Quälltäxt bearbeite]

Ufglistet sind nur d toufte Fahrzüg:

Betribsnummer Toufname Bild
535 101 Züri West 1 + Wolhusen Wappen BLS RABe 535 101
535 102 Schüpfheim Wappen BLS RABe 535 102
535 103 Burgdorf Wappen BLS RABe 535 103
535 104 Naters Wappen BLS RABe 535 104
535 107 Rüdtligen-Alchenflüh Wappen BLS RABe 535 107
535 110 Brenzikofen Wappen BLS RABe 535 110
535 114 Trubschachen 1 Wappen BLS RABe 535 114
535 115 Trubschachen 2 Wappen BLS RABe 535 115
535 123 Ausserberg Wappen BLS RABe 535 123
535 124 Eggerberg Wappen BLS RABe 535 124
1 keis Wappe, nume Name, isch zwüschezitlich entfernt worde

Literatur[ändere | Quälltäxt bearbeite]

  • Schweizer Eisenbahn-Revue, ISSN 1022-7113, Heft 11/2006: BLS bstellt RABe 525 für RE Lötschberg
  • Schweizer Eisenbahn-Revue, ISSN 1022-7113, Heft 7/2008: Rollout vom erste „Lötschberger“
  • Schweizer Eisenbahn-Revue, ISSN 1022-7113, Heft 3/2009: D Flottepolitik vo der BLS AG für de Regionalvercher bis 2025.

Links[ändere | Quälltäxt bearbeite]

 Commons: BLS Lötschberger – Sammlig vo Multimediadateie

Fuessnote[ändere | Quälltäxt bearbeite]

  1. RABe 535 – «Lötschberger» - Im Einsatz. BLS, abgruefen am 17. Dezember 2016.
  2. Zwei Lötschberger-Züge der BLS fahren neu für Kambly. BLS, 1. November 2016, abgruefen am 24. Juni 2017.
  3. In Zukunft luxuriös pendeln mit «Lötschberger». (Memento vom 1. Oktober 2013 im Internet Archive)
  4. "Der Bund" vom 3. März 2011. Das Auftragsvolumen wird mit CHF 38 Mio. angegeben.
  5. BLS: Vier neue Lötschberger bestellt. werkstattatlas.ch, abgruefen am 1. Oktober 2013.