BLS Re 4/4

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
BLS Re 4/4 164

BLS Re 4/4 164 z Basel Bad. Bf.
Streggäloggi
Betriebsnummärä 161-195
Vormaligi Betriebsnummärä als Ae 4/4 II 261-295
Buuherr Bern-Lötschberg-Simplon-Bahn
Härschteller Di Schwiizerisch Loggi- und Maschinefabrigg und Brown Boveri
Technischi Date
Höchschtgschwindigkeit 140 km/h
Gwicht 80 t
Läischtig 4980 kW / 6770 PS
Bärgläischtig 630 Tonnä schwäri Züg vi 80 km/h uf 26 Promill Stiigig
Längi über Puffer 15470 mm
Breiti 2950 mm

D Re 4/4 isch ä schwiizerischi, vierachsigi Universalloggi. Si isch zur gliiche Ziit wie d' SBB Re 4/4 II für d' Bärn-Lötschbärg-Simplon-Bahn buut und in Betrieb gnoo wordä. Trotz d'r technische Verwandtschaft hend's am Aafang d' Bezäichnig „Ae 4/4 II“ überchuu. Di guet Erfahrig mit de laufachselose BLS Ae 4/4 het d' Bahngsellschaft zu dem Schritt bewoge. Si isch d' Nachfolgerin vu de BLS Ae 6/8, de BLS Ae 4/4 und de BLS Ae 8/8 und wird sit em 1964 vor Persone- und Güeterzüg iigsetzt. Bis 1983 sind dur di Schwiizerisch Loggi- und Maschinefabrigg (SLM) und d' Brown Boveri 35 Stugg buut wordä wu alli nuch in Betrieb sind.

S' Bild näbeddranne zäigt ä hüttigi Epochä mit zwii Re 4/4 in Villfachstüürig im Güeterverchehr.

D'r hüttig Iisatz[ändere | Quälltäxt bearbeite]

Si wardet au mit Stüürwäge uf d'r Liniä S11 vu d'r S-Bahn Bärn iigsetzt.

Sit d'r Uuftäilig i d' Divisiune für ä Güeter- und ä Personäverchehr gchöred d' Loggene 161-180 d'r BLS Cargo. Si wärdet aber gliich wi di andere Loggene im Persone- und im Güeterverchehr iigsetzt. So gaht ihres Iisatzgebiet au über ä Badisch Bahnhof vu Basel bis uf Weil am Rhii.

Ebefalls mit Stüürwäge chänd si vor- oder hinter de Autozüüg, wu durä Lötschbärgtunnel fared, zum Iisatz.