Bäch SZ

S SZ im Lemma isch s offiziell Chürzel vom Kanton Schwyz und wird bruucht, zum Verwächslige mit Yträäg vom Name Bäch vermyde, wo öppis anders meined.

Bäch SZ
S Wappe vo Bäch SZ
Basisdatä
Staat:	Schwiiz
Kanton:	Schwyz (SZ)
Bezirk:	Höfew
Gmeind	Freiebach und Wollerau
PLZ	8806
Koordinate:	697672 / 22861947.2012968.727718410Koordinate: 47° 12′ 5″ N, 8° 43′ 40″ O; CH1903: 697672 / 228619
Höchi:	410 m ü. M.
Website	-
Charte
Charte vo Bäch SZ w w w

Dialäkt: Züridütsch (See)

Bäch SZ isch e Ortschaft, wo zu de politische Gmeinde Freiebach und Wollerau im schwiizerische Kanton Schwyz ghöört.

Gegografii[ändere | Quälltäxt bearbeite]

S Dorf liit am Zürisee und schtosst im Nordweschte fascht a d Zürcher Kantonsgrenze. Bäch isch es Schtraassedorf, d Mehrzahl vo de Gebäude liit a dr Hauptschtraass, wo sich zwüschet eme Berghang und em Zürisee entlang zücht. De Ortsteil Bächau isch e Halbinsle, wo dur s uusbaggere vo Chiis us em See entstande isch. D Firma Kibag betribt döt näbet irem Chiiswärk, en Bootshafe mit Tankstell und eme Winterquartier för d Böötli.

Gschicht[ändere | Quälltäxt bearbeite]

Bäch isch scho sehr früeh i dr Gschicht erwähnt worde, wil d Faktorei vor vilne hundert Jahre dr Chnotepunkt für d Salzuusliferig rund um de Zürisee gsii isch. Im Lauf vo dr Ziit häts jedoch schtarch a Bedüütig verlore.

Früener isch de Ort e Fasnachtshochburg gsii. Sit Mitti vo de 1990er-Jahr isch der Bruuch (d Bächer-Fasnacht) allerdings fascht uusgschtorbe.

Varia[ändere | Quälltäxt bearbeite]

Bäch isch liecht erreichbar mit de S-Bahn vo Züri und über d Autobahn A3, Aaschluss Wollerau. Es git z Bäch e Post, e paar Beize, en Chindergarte und es Primarschuelhuus.

Wäg de schöne Laag am Zürisee und em günschtige Stüürfuess vo de Gmeind Freiebach isch Bäch en beliebte Wohnort. Es wonet under anderem d Shawne Fielding (Ex-Frau vom Botschafter Thomas Borer) und d Patty Schnyder z Bäch und de Tennis-Spiller Roger Federer hät do e Wonig.^[1]