Asea Brown Boveri
| ABB Ltd[1][2] | |
|---|---|
 | |
| Unternähmensform | Aktiegsellschaft |
| ISIN | CH0012221716 |
| Gründig | 1988 (ASEA: 1883, BBC: 1891) |
| Sitz | Züri, Schwiiz |
| Leitig |
Joseph Hogan[1][3] |
| Mitarbeiter | 117'000 (2009) |
| Umsatz | 31,795 Mrd. USD (2009)[4] |
| Branche | Energii- und Automationstechnik |
| Uffdritt im Netz | www.abb.com |
D ABB Ltd[1] isch e Konzärn in dr Elektrotechnikbranche, wo si Hauptsitz z Züri het.
Gschicht
[ändere | Quälltäxt bearbeite]Er isch 1988 us dr Fusion vo dr schwedische Allmänna Svenska Elektriska Aktiebolaget (ASEA) und dr schwiizerische Brown, Boveri & Cie (BBC) entstande. Dr Konzärn isch wältwiit dätig und beschäftigt hüte im Ganze öbbe 117'000 Mitarbeiter in 100 Länder. D Aktie vo dr ABB Ltd si an dr Schwiizer Börse SIX Swiss Exchange kotiert.[5]
Gschäftsfälder
[ändere | Quälltäxt bearbeite]D Asea Brown Boveri schaffet als Konzärn für Energii- und Automatisationstechnik in underschiidlige Gschäftsfälder.[6]
Energiitechnikprodukt
[ändere | Quälltäxt bearbeite]
Das Gschäftsfäld umfasst Energiitechnikprodukt und d Kundedienst drzue. Das si Schlüsselkomponänte für d Überdrägig und Verdeilig vom Stroom. Drzue ghöre zum Bischbil Transformatore, Schaltaalage, Leistigsschalter, Kabel und anders Zuebehör.
Energiitechniksystem
[ändere | Quälltäxt bearbeite]Dr Beriich Energiitechniksystem büütet Versorgigsundernähme schlüsselfertigi System und Dienstleistige für d Stromüberdrägig, d Stromverdeilig und für Chraftwärk aa.
D Hauptfälder vo däm Gschäftsberiich si Understatione und Automatisierigsszstem für sötigi.
Wiiteri Schlüsselprodukt si flexibli Wächselstrom-Überdrägigssystem (FACTS), Hochspannigs-Gliichstrom-Überdrägig (HVDC) und Netzwärkmanagement-System.
In der Stromerzügig offeriert die Division d Instrumentierig, Stüürig und Elektrifizierig vo Chraftwärk.
Automationsprodukt
[ändere | Quälltäxt bearbeite]Dä Gschäftsberiich liferet Aadriib, Elektromotore und Generatore, Niiderspannigsprodukt, Instrumentierig und Prozässanalyse, und Leistigselektronik. D Aawändigsgebiet vo dene Problemlösige gönge vo dr Verfahrens-, Fertigungs- und Versorgigsindustrii bis zu Gschäfts- und Wohnbaute.
Prozässautomation
[ändere | Quälltäxt bearbeite]Dä Gschäftsberiich offeriert integrierti Lösige für d Automatisierig und Optimierig vo industrielle Produktions- und Gschäftsprozäss und branchespezifischi Aabassige drzue. S Leistigsaagebot richtet sich bsunders an d Branche Öl und Gas, Energie, Chemii und Pharma, Zällstoff und Babbiir, Metallverarbeitig, Mineral, Marine und Turbolader.
Robotertechnik
[ändere | Quälltäxt bearbeite]ABB isch Aabieter vo Induschtryroboter, Robotersoftware, modulari Fertigungszälle und offeriert Dienstleistige für die underschiidlige Aawändigsberiich vo dr Automation. Gliiferet wärde Industriiroboter in allne Grössene, Lackier- und Spezialroboter für d Branche Giesserei, Metalverarbeitig, Kunstoffverarbeitig, Autoindustrii, Verpackig und Palletiere. ABB het wältwiit meh as 160'000 Roboter installiert.[7] 2006 isch s Global Robotics Headquarters uf China (Shanghai) züglet,[8] wo sit 2007 ABB-Industriiroboter broduziert wärde.[9]
Litratur
[ändere | Quälltäxt bearbeite]- Andreas Steigmeier: Asea Brown Boveri (ABB).. In: Historisches Lexikon vo dr Schwiiz.
- Kevin Barham, Claudia Heimer: ABB: the dancing giant – creating the globally connected corporation. Financial Times, London 1998, ISBN
- Catrina Werner: ABB – Die verratene Vision. Orell Füssli, Zürich 2003, ISBN 3-280-06004-4
Weblingg
[ändere | Quälltäxt bearbeite]Fuessnote
[ändere | Quälltäxt bearbeite]- 1 2 3 4 Eintrag im Handelsregister des Kantons Zürich (Site cha nüme abgrüeft wärde; Suche im Webarchiv)
- ↑ ABB Aktionärsmitteilung vom 28. März 1999 bezüglich Aktienumtausch und neuer Firmenname ABB Ltd. Archiviert vom Original am 28. März 2009; abgruefen am 13. Februar 2011.
- ↑ ABB ernennt Joseph Hogan zum neuen CEO (Memento vom 5. Septämber 2008 im Internet Archive), Medienmitteilung vom 17. Juli 2008
- ↑ ABB Ltd., Facts and Figures. Archiviert vom Original am 23. Februar 2011; abgruefen am 13. Februar 2011.
- ↑ SIX Swiss Exchange: Stammdaten der ABB Ltd (Site cha nüme abgrüeft wärde; Suche im Webarchiv)
- ↑ www.abb.de Unsere Geschäftsfelder, abgrüeft am 17. Dezämber 2009
- ↑ ABB Produktüberblick/Robotertechnik, Abgrüeft am 16. Dezämber 2009
- ↑ Isabbelle Liu, ABB. ABB Robotics helps to improve productivity for Chinese auto customer , ABB, September 29, 2006.
- ↑ ABB starts robot production , China Daily, September 29, 2006.