Vrpackonga

Dialäkt: Schwäbisch

Vrpackonga em Oizlhandl senn a Rfendong mo se mid dr Aifihrong vo de Selbschdbedienongsläda ausbroidad hod. Manche vo dene Bsondrhoida kommad wiedr en Brauch. Em Lädle isch draussa Kolonialwaara gschdanda. Drenna hod s älles gä, wamr wella hod – weil mr blos hod wella derfa was gäba hod.

Lischt vo Verpackonga

A

• Anka, s Buddrschmalz hods so wia da Buddr, los gäba.

B

• Bier hod ma en dr Wirschafd hola kenna. Drbei isch vom Hahna en a Flasch zabfd worra.
• Brod hod s auf em Land blos auf Bschdellong ghed, weil mr selbr bacha hod.
• Dr Buddr isch mid ara Holzschaufl auf a Bergamedbabier gwog worra.

D

• Doigwara hend de moischde Leid selbr gmachd, drom hod se s kaum gäba.

F

• Fisch: Dr Fischvrkauf war em Fischlada ond hod se auf a baar Sorda beschrenkd.

H

• D Hefe isch mid ara Messr auf a Bergamedbabier gwog worra.

K

Bachschdoikäs

Käs

• Dr Bachschdoikäs (a Limburger Magrmilchkäs) isch 100-grammweis vo ama Block aagschnidda worra

Kaffee

• Fir Kaffee hod s extra Gschäfd gea. Gmahla hend n d Leid drhoim.
• Malzkaffee war iblich, weil r billigr war.

M

• D Milch isch emma Milchlada aus groasse Milchkanna mid ama Schepfr virdl- odr halbliddrweis en a Milchkann gschepfd worra. Vrkaufsferdernd hods Bildla gä, mo ma en Alba hod kleba kenna, mid Thema wia Afrika.

O

• Oier send oinzln vrkaufd worra, ond jeds isch durchleuchded worra, ob s au guad isch. Ond weil d Henna em normala Leba ned emmr legad, hod mr Oier en Wassrglas eiglegd.

S

• Sauekraud isch aus em Fass vrkaufd worra, so wia d Gurka.

W

• D Waag isch koi Vrpackong, abr isch fir s vrkaufa ohne Vrpackonga elemendar gwää – se isch aus em Ländle komma, wia dr Nama BizerBa au said.

Guck au

• Schwäbische Kuche

Lidradur

• Walter Theiler: Als langsam schon schnell war: 111 Dinge, die unser Leben schneller machen. ISBN 3-7407-4358-1. 

Weblink

 Commons: Vrpackonga – Sammlig vo Multimediadateie