Arma

De König vo Malida opferet em Moogott Arma. Relief us Arslantepe.

De Arma isch de luwischi und de hethitischi Moogott. De wichtigst Tempel vonem isch z Harran gstande, wo aber nie im Piet vo de Luwier glegen isch. De Tempel isch scho früe s Zentrum vo de Vereerig vom mesopotamische Moogott Sin gsii, wo vo de Luwier mit em Arma glichgsetzt woren isch. Drum werd er i de neohethitische Zitt maistens „Harranäische Arma“ gnennt. De Name chan as protoanatolisch *ʿOrmo- „Wanderer“ rekonstruiert were.

Dargstellt werd er as e bärtige Maa mit Flögel. Er trait e Helm mitere Moosichle obedruff. Abbildet werd er zäme mitem Sunegott Tiwad. I Fluechformle werd bette, Finde a sim Horn z packe.

Literatur

• Volkert Haas: Geschichte der hethitischen Religion (= Handbuch der Orientalistik, Band 1,15). Brill, Leiden 1994, ISBN 978-9-004-09799-5.