Aramäer (Christentum)

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Disambig.svg Dä Artikel behandlet d Aramäer. Nöd z verwächsle mit de Armenier, wo z Armenie wohned.
Flagge vo de Aramäer

Aramäer sind einersits e ethnischi Volksgruppe, wo bis i d Bronzezit zrugg nochwisbar sind,
und anderersits e christlichi Religionsgmeinschaft, us em Noche Oste, wo sich as Noofaare vo de historische Aramäer gsiend.

Geografii[ändere | Quälltäxt bearbeite]

S historisch Volk vo de Aramäer hät z Mesopotamie gläbt, eme Land zwüsched de Flüss Euphrat und Tigris im vordere Orient. Hützutags wohned d Aramäer im Gränzgebiet vo de Türkei, Syrie und em Irak. I de erst Hälfti vom 1. Joortuusig v.Chr. hend sich d Aramäer im Nööche Oste uusbraitet und meriri chliini Fürstetümer bildet. Wichtig Stämm us dere Zitt sind d Bīt-Baḫiani, d Bīt-Adini (um Masuwari), d Bīt-Agusi (um Arpad) und Bīt-Gabbar z Samˀal gsii.

Sproch[ändere | Quälltäxt bearbeite]

S Aramäisch, wo d Aramäer no reded, isch d Sproch, wo Jesus gredt hät.[1] Aramäisch isch dozmol e Lingua franca im Vordere Orient gsi. Es git hüt no christlichi Kirchene (Orthodoxi- und Ostkirchene), wo d Sproch Alt-Aramäisch i ihrer Liturgii bruched.[2]

Bedrohige[ändere | Quälltäxt bearbeite]

Sit em Völkermord a de Aramäer i de Johre 1915 bis 1917 im damolige Osmanische Riich gits immer wider Problem för da Volk, wo uf mehreri Länder im vordere Orient verstreut isch.

Aramäer z Europa[ändere | Quälltäxt bearbeite]

Es git z Europa chlinneri Gmeinschafte vo Aramäer, under anderem z Dütschland, z Östriich und i de Schwiz. Z Arth am Zugersee händ Aramäer 1996 s ehemolige Kapuzinerchloster überno und betreued vo döt us di syrisch-orthodox Chirche i de Schwiz.[3]

Rezeption[ändere | Quälltäxt bearbeite]

D Forschigsstell fir Aramäischi Studie isch im Fachberych Gschicht un Soziologii vu dr Universitet Konschtanz igliideret.

Weblink[ändere | Quälltäxt bearbeite]

 Commons: Aramäer – Sammlig vo Multimediadateie

Fuessnoote[ändere | Quälltäxt bearbeite]

  1. Bedrängte Christen Artikel uf Welt online, vom 19. Dezember 2008
  2. Die Aramäische Sprache uf oromoye.de, abgruefe am 6. August 2012
  3. Orthodoxie in der Schweiz (Site cha nüme abgrüeft wärde; Suche im Webarchiv)[1] [2] Vorlage:Toter Link/www.ostkirchenmusik.ch ostkirchenmusik.ch abgruefe am 6. August 2012