Samʼal

Samʼal oder Yaʼudi isch en aramäische Stadtstaat gsii, wo wege sinnere Laag und Gschicht zo de neohethitische Stadtstaate grechnet werd. S isch mit de Uusgrabig vo Zincirli i de Törggai identisch. De Name Yaʼudi isch woll de älteri und Samʼal (aram. šmʼl „Norde“) de jüngeri Name. Samʼal hett im Norde a Kurkuma, im Süüde a Walastina und im Ooste d Stadt Azzatiwadiya, wo zo Hiyawa ghört, grenzt.

Gschicht

Um 920 v. Chr. hend sich ufem Högel Karatepe Aramäer niderloo und d Stadt Samʼal gründet. Öbs scho e Vorgängersidlig ggee hett, isch umstritte, chönnt aber nu e chliine Flegg oni Bidüttig gsii sii. De erst König isch de Gabbar gsii, noch dem sich di spöötere König Bit-Gabbar gnennt hend. Um 840 v. Chr. het sich de Kulamuwa under de Schutz vom assyrische König gstellt. De König Salmanessar V. (726–722 v. Chr.) hett denn Samʼal as e Provinz is Assyrerriich iiglideret.

König vo Samʼal

I Chlammere stönd d Joore, wo die Könige bilait sind. Ali Joorzaale sind v. Chr.

Gabbār (gbr „Held“; ass. Gabbar, um 920)
Bānihu (bnh), Soo vom Gabbār
Ḥayyānu (ḥyʼ „Lebe“; ass. Ḫayanu), Soo vom Bānihu.
Šaʼīl (šʼl), Soo vom Ḥayyānu
Kulamuwa (klmw, um 840 bis 815/10), Soo vom Ḥayyānu und vo de tml. De Name isch luwisch und bidüttet „Heerchraft“
Qurala oder Qarli (qrl)
Panamuwa I. (pnmw, 780–743), Soo vom Qurala, au de Name isch luwisch
Bar-Ṣūr (brṣr „Felsesoo“)
Usurpator
Panamuwa II. (pnmw, ass. Panammu, 743-732), Soo vom Bar-Ṣūr. au dee Name isch luwisch und bidüttet „Ganzi Chraft“
Bar-Rākib (brrkb, luw. Parrakiba, ab 732 bis öppe 725)

ab öppe 725 assyrischi Provinz.

Literatur

Walter Andrae: Die Kleinfunde von Sendschirli. Ausgrabungen in Sendschirli V. de Gruyter, Berlin 1943.
Thomas Friedrich: Die Ausgrabungen von Sendschirli und das bit hillani. In: Beiträge zur Assyriologie und semitischen Sprachwissenschaft. Bd. 1–10. Hinrichs, Leipzig 1889–1913/27, S. 227 ff.
Benno Landsberger: Sam'al. Druckerei der Türkischen Historischen Gesellschaft, Ankara 1948.
Felix von Luschan, Robert Koldewey, Carl Humann: Ausgrabungen in Sendschirli I–III. Orient-Comité, Berlin 1893 ff.
Felix von Luschan, Jacoby: Ausgrabungen in Sendschirli IV. Orient-Comite, Berlin 1911.
Herbert Niehr: Bestattung und Ahnenkult in den Königshäusern von Sam’al (Zincirli) und Guzāna (Tell Ḥalāf) in Nordsyrien. In: Zeitschrift des Deutschen Palästina-Vereins 122. 2006, S. 111–139.
Winfried Orthmann: Der alte Orient. Propyläen-Kunstgeschichte 18. Propyläen, Frankfurt 1985, ISBN 3-549-05666-4.
Josef Tropper: Die Inschriften von Zincirli. Neue Edition und vergleichende Grammatik des phönizischen, sam'alischen und aramäischen Textkorpus. Ugarit, Münster 1993, ISBN 3-927120-14-6.
Ralph-B. Wartke: Sam'al. Ein aramäischer Stadtstaat des 10. bis 8. Jahrhunderts. v. Chr. und die Geschichte seiner Erforschung. Zabern, Mainz 2005, ISBN 3-8053-2918-0.

Weblink

Commons: Samʼal – Sammlig vo Multimediadateie

Florian Lippke: Sendschirli. In: Michaela Bauks, Klaus Koenen, Stefan Alkier (Hrsg.): Das wissenschaftliche Bibellexikon im Internet (WiBiLex), Stuttgart 2006 ff.