Wüeschti

Us der alemannische Wikipedia, der freie Dialäkt-Enzyklopedy
Wüeschti z Marokko
Wüeschti z Atacama, Chile
Sanddüne i de Wüeschti vom Sinai

Als Wüeschti bezeichnet me es Gebiet, wo uf Grund vo sinere extreme Trocheheit oder Chälti kei oder nur wenig hochschpezialisierti Vegetation egschischtiere chann und wo us dem Grund zue de Anökumene zählt. D Araber nänned d Wüeschti (arabisch: صحراء, DMG ṣaḥrā, "Wüesti") poetisch au Meer ohni Wasser.

Wüeschtearte[ändere | Quälltäxt bearbeite]

Trochewüeschte[ändere | Quälltäxt bearbeite]

Trochewüeschte verhindered dur ihre Wassermangel s pflanzliche Wachstum. D Böde vo de Trochewüeschti zähled zue de Aridosole.

Sandwüeschti i dä Sahara z Libye
Schteiwüeschti im Ladakh
Salzwüeschti vo Salar de Uyuni
Halbwüeschti bym Wadi Rum z Jordanie
Iiswüeschti im Tangra-Bärgzug

Halbwüeschte[ändere | Quälltäxt bearbeite]

D Halbwüeschte si nid hanz so droche wie en ächti Wüeschti, aber drochener as e Savanne. Me findet si oft as Übergangszone zue Vollwüeschte.

Edaphischi Wüeschte[ändere | Quälltäxt bearbeite]

Das si Wüeschtene wo zwar gnueg Räge überchömme aber will d Ärde sehr wasserdurchlässig isch, s Wasser nid chönne spiichere. E Bischbil isch s Isländische Hochland wo mit Schotter bedeckt isch. Dört häi Schoof d Begraasig zerstört und denn isch die fruchtbari oberi Härdschicht erodiert worde.

Windwüeschte[ändere | Quälltäxt bearbeite]

I Windwüeschtene verhindere schtarki Wind dass sich grösseri Pflanze wie Bäum chönne entwickle. Mä findet dört nume Moos, Flächte und anderi niidrige Pflanze. E Bischbil sind d Insle im Südatlantik südlig vom 50. Breitegrad.

Chalti Wüeschte[ändere | Quälltäxt bearbeite]

Die polare Regione, aber au Gebiet hoch uf de Bärge, wo s Wasser gfroren isch und Pflanze s nid chönne bruche, si wüeschtenartig. Wenn s Iis s ganze Johr gfrore bliibt, sait me däm än Iischappe. Wenn s aber im Summer deilwiis schmilzt, redet mä von erä Tundra.

Die gröschte Wüeschtene[ändere | Quälltäxt bearbeite]

  Name Erdtail
1. 13.200.000 km² Antarktis Antarktis
2. 8.700.000 km² Sahara Afrika
3. 1.560.000 km² Australischi Wüeschti Australie
4. 1.300.000 km² Arabischi Wüeschti Asie
5. 1.040.000 km² Gobi Asie
6. 900.000 km² Kalahari Afrika
7. 330.000 km² Takla Makan Asie
8. 320.000 km² Sonora Nordamerika
9. 273.000 km² Karakum Asie
10. 273.000 km² Tharr und Cholistan Asie

Büecher[ändere | Quälltäxt bearbeite]

  • Uwe Lindemann: Die Wüste. Terra incognita - Erlebnis - Symbol. Eine Genealogie der abendländischen Wüstenvorstellungen in der Literatur von der Antike bis zur Gegenwart. Heidelberg 2000 ISBN 3-8253-1006-X
  • Michael Martin: Die Wüsten der Erde Frederking & Thaler, München, 2004 ISBN 3-89405-435-2.
  • Dieter Jäkel: Dünenwüsten und Löss in China. Naturwissenschaftliche Rundschau 59(11), S. 594 - 601 (2006), ISSN 0028-1050

Film[ändere | Quälltäxt bearbeite]

  • Planet Erde. Wüstenwelten. England, Dokumentation, 45 Min. E Film vom Alastair Fothergill, Produktion: BBC (Inhaltsangaab vom ARD)

Weblink[ändere | Quälltäxt bearbeite]

 Commons: Wüste – Sammlig vo Multimediadateie
Dä Artikel basiert uff ere fräie Übersetzig vum Artikel „Wüste“ vu de dütsche Wikipedia. E Liste vu de Autore un Versione isch do z finde.