Plattetektonik

Bi de Plattetektonik gahds um de Uufbau vode Erdchruschteplatte und um d'Bewegig vode Erdchruschteplatte.

Begriffserklärige

Uufbau

Erdchruschteplatte bestönd us ozeanischer Chruschte und kontinentaler Chruschte.

Bewegig

Subduktion von erä dichtere ozeanische Chruschte under kontinentals Chruschtematerial

• divergierendi Platte: Platte, wo sich usenand bewege, z. B. Folge: Ozeanbode entstahd, wird grösser, Bsp.: Mittelatlantische Rugge
• konvergierendi Platte: Platte, wo sich ufenand zue bewege, z. B. Folge: Gebirg entstönd, ii dem Fall mid Vulkanismus; d'Ande (Gebirge)
• Platte beweged sich anenand verbii; Horizontalverschiebig, z. B. Folge: Erdbebe ; Kalifornie ; San Andreas-Verwerfig

Subduktion

Subduktion ischs Iitauche vonere ozeanische Erdchruschteplatte ide Erdmantel.

Gebirgsbildig und Vulkanismus

Modell vo Plattegränze

Hützudag dänkt mä, ass dr Ufbau vo Gebirg und dr Uusbruch vo Vulkan meischdens an de Platteränder bassiert. Das si au im allgemeine au d Örter, wo Ärdbebe usglöst wärde, wo, wenn si under emä Ozean bassiere Tsunami chönne verursache.

D Plattegränze si Linie wo zwei tektonischi Platte ufenanderdräffe. Die so genannti Triple Junction isch dr Ort wo drei Platte sich berüehre.

Die so genannte Hot Spots hai nüt mit de Plattegränze zdue, si wärde dur thermischi Anomalie im undere Ärdmantel verursacht. So chas heisse Magma dur dr Ozeanbode uusefliesse und underozeanischi Vulkan ufbaue, wo mänggisch, wie im Fall vo de Insle im Südpazifik, us em Wasser uuseschdiige.

Verschiedeni Erdchruschteplatte

Plattetektonik und d Kontinent

Grossi Platte

• Eurasischi Platte (mit kont. und ozean. Chruschte)
• Nordamerikanischi Platte (mit kont. und ozean. Chruschte)
• Südamerikanischi Platte (mit kont. und ozean. Chruschte)
• Afrikanischi Platte (mit kont. und ozean. Chruschte)
• Indisch-Australischi Platte (mit kont. und ozean. Chruschte)
• Pazifischi Platte (praktisch nume ozean. Platte)
• Antarktischi Platte (mit kont. und ozean. Chruschte)

Chlini Platte (wichtigeri)

• Phillipine Platte (praktisch nume ozean. Chruschte)
• Cocos Platte (praktisch nume ozean. Chruschte)
• Karibischi Platte (praktisch nume ozean. Chruschte)
• Nazka Platte (praktisch nume ozean. Chruschte)
• Scottia Platte (praktisch nume ozean. Chruschte)
• Arabischi Platte (mit kont. und ozean. Chruschte)
• Türkischi Platte (mit kont. und ozean. Chruschte)
• Adriatischi Platte (praktisch nume ozean. Chruschte)
• Juan de Fuca Platte (praktisch nume ozean. Chruschte)

Die hüütige Platte

Wie d'Eierschale vomne Hüehnerei bildet d'Lithosphäre die relatv dünni (im Durchschnitt öppe 100km dicki) Schale vode feschte Erdchugle - abr mit "Sprüng" (=Riss)! Die Riss underteiled d'Lithosphäre hüüt in 7 Haupt- und öppe 10 chlineri Platte. Die meischte Platte bestönd sowohl us kontinentaler als au us ozeanischer Chruschde, es gitt abr au Uusnahme.