Anne-Marie Holenstein
D Anne-Marie Holenstein (* 31. Oktober 1937 z Hääde)[1] isch e Schwyzer Entwickligshälferi un Schurnalischti. Si isch Grindigsmitglid un erschti Sekreteri vu dr entwickligsbolitische Organisazion Erklerig vo Bärn (hite Public Eye) gsii. Si isch Redakteri bi Radio DRS un Diräkteri vum kadolische Hilfswärch Faschtenopfer gsii. 2009 het si vu dr theologische Fakultet vu dr Uniwersitet Lozärn d Ehredokterwird kriegt.[2]
Lääbe un Beruef
[ändere | Quälltäxt bearbeite]D Anne-Marie Holenstein isch z Rorschach am Bodesee ufgwagse. Si het an dr Uniwersitet Züri Germanischtik un Romanischtik studiert un het zwai Uuslandsemeschter an dr Sorbonne z Paris verbrocht. Iri Dissertazion het si bim Max Wehrli[1] iber dr Konschtanzer Myschtiker Heinrich Seuse gschribe. S Studium het si anne 1967 abgschlosse.
In dr Zyt vum Studium het d Holenstein as Primarlehreri gschafft un isch 1969 vum Sozialethiker Hans Ruh gforgt wore, eb si s Sekretariat vum Patronatskumitees vu dr Erklerig vo Bärn wett ibernee. Bis 1982 isch si bi dr Erklerung von Bern Laiteri vum Fachberaich Ernehrig–Landwirtschaft–Ekology gsii.[3] Vu 1995 bis 2000 isch d Holenstein Diräkteri vum kadolische Hilfswärch Faschtenopfer gsii.[4] 2002 bis 2012 het d Holenstein e Mandat vu dr Diräkzion fir Entwicklig un Zämenarbet (DEZA) fir d Roll un Bedytig vu Religion un Schpiritualitet in dr Entwickligszämenarbet ghaa.[5] Si isch Mitglid gsii im Initiativkumitee vu dr Kunzärnverantwortigsinitiativ.[6]
D Holenstein isch Mueter vu zwai Chinder.[3]
Kuntrewers
[ändere | Quälltäxt bearbeite]Im Novämber 2018 isch d Holenstein zäme mit fimf andere Fraue, wu mer chännt, mediewirksam us dr remisch-kadolische Chilche uusdrätte. Grund isch d Glychsetzig vu Abdrybig mit Ufdragsmord dur dr Papscht Franziskus gsii.[7]
Uusgläseni Wärch
[ändere | Quälltäxt bearbeite]- Studien zur Vita Heinrich Seuses. Diss. phil. I Zürich 1968. (Zeitschrift für schweizerische Kirchengeschichte 62 (1968), H. 3–4).
- mit em Jonathan Power: Hunger. Die Welternährung zwischen Hoffnung und Skandal. Frankfurt am M.: Fischer 1976. ISBN 3-436-02258-6. (Fischer-Taschenbücher; 1712).
- Innovative Arbeitsmarktprojekte. Konzepte, Projektbeschreibungen, Modelle. Zürich: KEK-CDC Consultants 1993. (Perspectiva-Information. deutsch; 2).
- mit dr Regula Renschler; Rudolf Strahm: Entwicklung heisst Befreiung. Erinnerungen an die Pionierzeit der Erklärung von Bern (1968-1985). Zürich: Chronos-Verlag 2008. ISBN 978-3-0340-0917-1.
- Religionen – Potential oder Gefahr? Religion und Spiritualität in Theorie und Praxis der Entwicklungszusammenarbeit. Zürich: LIT-Verlag 2010. ISBN 978-3-643-80036-7. (ReligionsRecht im Dialog; 9).
- Rolle und Bedeutung von Religion und Spiritualität in der Entwicklungszusammenarbeit. Ein Reflexions- und Arbeitspapier. 3., durchges. Aufl., Bern: Direktion für Entwicklung und Zusammenarbeit DEZA 2009.
Weblink
[ändere | Quälltäxt bearbeite]- Publikatione vo und über Anne-Marie Holenstein im Katalog Helveticat vo dr Schwiizerische Nationalbibliothek
Fueßnote
[ändere | Quälltäxt bearbeite]- ↑ 1,0 1,1 Titelblatt/Lebenslauf in: Anne-Marie Holenstein-Hasler: Studien zur Vita Heinrich Seuses. Zürich 1968 (Dissertation).
- ↑ Monika Jakobs: Laudatio von Prof. Dr. Monika Jakobs, Dekanin der Theologischen Fakultät, zum Dies Academicus 2009 der Universität Luzern. (PDF) Abgruefen am 6. Februar 2019.
- ↑ 3,0 3,1 Anne-Marie Holenstein, Regula Renschler, Rudolf Strahm: Entwicklung heisst Befreiung – Erinnerungen an die Pionierzeit der Erklärung von Bern. Chronos, Zürich 2008, ISBN 978-3-0340-0917-1.
- ↑ Chronos Verlag: Anne-Marie Holenstein. Abgruefen am 6. Februar 2019.
- ↑ Anne-Marie Holenstein (u. a.): Religionen – Potential oder Gefahr? In: ReligionsRecht im Dialog. Band 9. Lit, 2010.
- ↑ Konzernverantwortungsinitiative: Persönlichkeiten. Abgruefen am 18. August 2020.
- ↑ Simon Hehli: Linke Frauen verlassen die Kirche – wegen der katholischen «Frauenfeindlichkeit». In: Neue Zürcher Zeitung. 18. November 2018, abgruefen am 6. Februar 2019.
|
Dä Artikel basiert uff ere fräie Übersetzig vu dere Version vum Artikel „Anne-Marie_Holenstein“ vu de dütsche Wikipedia. E Liste vu de Autore un Versione isch do z finde. |