André Simonazzi
Dr André Simonazzi (* 17. November 1968 z Monthey; † 10. Mai 2024) isch e Schwyzer laitende Bundesaagstellte gsii. Är isch vu 2009 bis zue sym Dood Viizechanzler un Bundesrootssprächer vu dr Schwyzerische Aidgnosseschaft gsii. Är isch Mitgliid vu dr Sozialdemokraatische Bartei gsii.[1]
Lääbe[ändere | Quälltäxt bearbeite]
Dr André Simonazzi isch no dr obligatoorische Schuelzyt uf s Gimnaasium vum Kolleegium Saint-Maurice gange. Är het d Matuura (Typus B) anne 1988 abgschlosse. Derno het er an dr Uniwersiteet Gämf Internazionaali Bezieige studiert. Anne 1992 het er s Stuudium mit em Lizänziaat abgschlosse.
Bi dr Walliser Zytig Le Nouvelliste het er Schurnalischt gleert, voreb er 1995 in Dienscht vu dr Caritas Schwyz drätte. Deert isch er Brässesprächer fir di franzeesischsproochig Schwyz un Informazioonsschef gsii.
Ab 2004 isch dr Simonazzi im Aidgnessische Departemänt fir Umwält, Vercheer, Energy un Kommunikazioon Informazioonsschef gsii. Am 12. Novämber 2008 isch er zum Viizechanzler vu dr Schwyz un zum Bundesrootssprecher ernännt woore. Är het s Amt as Noofolger vum Oswald Sigg am 1. April 2009 aadrätte. Ab 2015 isch iim au dr Bresidiaaldienscht vu dr Bundeschanzlei unterstande.
Dr André Simonazzi isch am 10. Mai 2024 im Alter vu 55 Joor gstoorbe, nodäm er bi re Wanderig zämebroche gsii isch. Är hinterlosst sy Frau un drei Chinder.[2][3]
Weblink[ändere | Quälltäxt bearbeite]
Commons: André Simonazzi – Sammlig vo Multimediadateie- Schwyzerischi Bundeschanzlei: Viizechanzler André Simonazzi (admin.ch)
- Video vun ere Reed vum André Simonazzi am 15. Septämber 2021
Fueßnote[ändere | Quälltäxt bearbeite]
- ↑ «Eine Institution im Bundeshaus»: Reaktionen auf Simonazzis Tod. In: Schweizer Radio und Fernsehen. 11. Mai 2024, abgruefen am 11. Mai 2024.
- ↑ Vizekanzler André Simonazzi ist verstorben. In: Schweizer Radio und Fernsehen. 11. Mai 2024, abgruefen am 11. Mai 2024.
- ↑ Vizekanzler André Simonazzi ist verstorben. In: Bundeskanzlei. Abgruefen am 12. Mai 2024.
|
Dä Artikel basiert uff ere fräie Übersetzig vu dere Version vum Artikel „André_Simonazzi“ vu de dütsche Wikipedia. E Liste vu de Autore un Versione isch do z finde. |