Alemannisch läbt!

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Alemannisch läbt! isch s Thema vun eme Dialäktwettbewäärb gsii, wu 2020/21 vu dr Muettersproch-Gsellschaft zäme mit em SWR un dr Badische Zytig veraastaltet wooren isch.

Wettbewäärb[ändere | Quälltäxt bearbeite]

Scho 2004/05 hän d Muettersproch-Gsellschaft, dr SWR un di Badisch unter em Titel Mir sueche die Beschde zäme ne Dialäktwettbewäärb uusglobt un 2010 ain mit em Thema s menschelet. Zeh Johr speeter het mer jetz wider ain welle mache. Uusgschriibe woore isch dr Wettbewäärb mit em Thema Alemannisch läbt! im Mai 2020, Yysändeschluss isch dr 31. Dezämber 2020 gsii. Mitmache het mer chenne mit Gedicht oder eme Prosatäxt in eme alemannische Dialäkt vu Baade-Wiirtebäärg oder us em Elsass, uusgschlose vum Wettbewärb sin aber Autor*ne gsii, wu scho ne Buech in eme Verlag uusegee hän. S het nit solle mee syy wie 2 DIN A4-Syte un mer het d Täxt solle anonym mit eme Passwort yygee. Bryys het s gee fir Lyrik un Prosa, mer het chenne entwäder Gedicht oder Prosatäxt yygee, oder aber au baides. Verbunde mit em Bryys isch e Bryysgäld gsii in Heechi vu 500 € fir dr eerscht Blatz, 300 € fir dr zweet Blatz un 200 € fir dr dritt Blatz. Derzue sin au Junioorebryys in Lyrik un Prosa uusglobt woore fir Lyt unter 31, verbunde mit 250 €.

Wäge dr Coronavirus-Pandemy isch dr Yysänderschluss nomol verschoobe woore bis zum 31. Jänner 2021. Uusgweelt woore sin di bremierte Täxt vun ere fimfchepfige Jury, wu d Dialäktautor*ne Johannes Kaiser, Edgar Zeidler un Ulrike Derndinger dezue gheert hän un d Schurnalischte Franz Schmider vu dr Baadische Zytig un Matthias Zeller vum SWR. D Bryysverleiig isch derno am 4. Juni 2021 im Funkhuus vum SWR z Fryyburg gsii, wäge Corona ooni Publikum, d Veraastaltig isch per Livestream iberdrait woore, e Dail Juroore sin au online zuegschaltet woore.

Bryysdreeger*ne[ändere | Quälltäxt bearbeite]

Mitgmacht hän 160 Lyt, dodervu rund 20 % us em Elsass.

Lyrik
Prosa

Weblink[ändere | Quälltäxt bearbeite]