Heidi Zöllner
D Heidi Zöllner (* 1949 z Waldshuet) isch e dytschi Dialäktautoori.
Lääbe[ändere | Quälltäxt bearbeite]
D Zöllner isch z Murg un Zäll ufgwagse. Gschafft het si bis zue ire Ränte as Styyrfachwiirti. D Zöllner läbt scho lang z Huuse. Si isch ghyroote mit em Armin Zöllner un het zwee Siin.
Si schrybt Gschiichte un Gediicht uf Alemannisch un duet au regionali Saage, Faable un Määrli uf Alemannisch ibersetze. Derzue schrybt si mänkmol Theaterstuck im Dialäkt un Täxt fir d Schnitzelbank an dr Faasnet..
Anne 2013 het si bim Wettbewäärb Loorer Murre mit em Täxt „Unter em gliiche Sternehimmel“ dr 2. Bryys in dr Kategory Prosa gwunne. Im Joor 2014 isch si bim „Landschreiber Wettbewerb“ mit em Täxt „E Frog an d Muettersproch“ unter dr zwelf Blatzierte gsii, wu ire Bydraag uf dr Leipziger Buechmäss hän deerfe voorlääse. Bim Mundartliteraturwettbewäärb „Alemannisch läbt!“ vu dr Muettersproch-Gsellschaft un em SWR het si anne 2021 mit dr Gschicht „Di guete alti Zit“ dr dritt Bryys in dr Sparte Prosa gwunne.[1]
D Zöllner isch Mitglid bi dr Muettersproch-Gsellschaft un deert syt 2011 Gruppelaiteri vu dr Regionalgruppe Wiisedaal. Syt 2015 isch si Mitgliid im Vorstand vu dr Muettersproch-Gsellschaft un dert zueständig fir s Projäkt „Mundart in der Schule“.
Fir s Heebelhuus z Huuse duet si mit andere Fraue us dr Vorstandschaft Dialäkt-Oobe organisiere, wu Dialäktdichter*ne ire Schaffe chenne vorstelle. Si isch au Mitglid bi dr Drachtegruppe Zäll.
Anne 2022 isch d Zöllner vum Land Bade-Wirttebärg mit dr Haimetmedaille uuszaichnet wore.[2]
Im Johr 2023 het si vu dr Gmai Huuse d Johann-Peter-Hebel-Plakette iberchuu.[3]
Uusgläseni Wärch[ändere | Quälltäxt bearbeite]
- E Stund Zit. Theaterstuck fir d Adventszit
- z Bethlehem. Theaterstuck fir d Adventszit
- Eine sonderbare Wirtszeche. Theaterstuck
Weblink[ändere | Quälltäxt bearbeite]
- d Heidi Zöllner uf dr Websyte vu dr Muettersproch-Gsellschaft
- Künstlerinnen & Künstler uf dr Websyte vum Projäkt „Mundart in der Schule“
- Warum Mundart-Expertin Heidi Zöllner neidisch auf die Schwaben ist, Badischi Zytig, 20. Februar 2020
- Di guete alti Zit, vorgläse vu dr Heidi Zöllner, SWR, 7. Juni 2021
- Heimatmedaille Baden-Württemberg 2022: Heidi Zöllner, Online uf youtube.com, 12. Septämber 2022
Fueßnote[ändere | Quälltäxt bearbeite]
- ↑ Wettbewerb „Alemannisch läbt“: Diese Texte wurden ausgezeichnet, Badische Zeitung, 4. Juni 2021
- ↑ Zehn Bürger mit Heimatmedaille ausgezeichnet, Pressemitteilung Baden-Württemberg, 9. Septämber 2022
- ↑ Roswitha Frey: Mundartautorin Heidi Zöllner erhält die Hausener Hebel-Plakette. Badische Zeitung vom 7. Mai 2023.