Achilles Hueber
| Dialäkt: Baseldütsch |
Dr Achilles Hueber (* 9. Februar 1776 z Sissach; † 7. Juli 1860 z Baasel) isch e Schwizer Archidekt gsi.
Lääbe
[ändere | Quälltäxt bearbeite]Dr Achilles Hueber isch am 9. Februar 1776 z Sissach as Soon vom Pfarrer Johann Jakob Hueber uf d Wält choo. Es cha si, ass er si erste Underricht bim Johann Ulrich Büchel z Baasel überchoo het. Denn het er e vierjöörigi Leer zum Stäimetz bim Wärkmäister Niklaus Sprüngli z Bärn gmacht. In de Joor 1798 bis 1802 het er für verschidnigi Archidekte z Züüri, Stroossburg und Karlsrue gschafft. Z Karlsrue isch er e Schüeler vom Friedrich Weinbrenner gsi, won e groosse Iifluss uf en ghaa het.
Denn het dr Hueber en äignigs Baugschäft z Baasel ghaa und isch 1803 Mitgliid vo dr Zumft zu Spinnwätter worde. Hüte schribt men em nume no drei Baute zue. Mä het von em au e baar Archidektuurzäichnige und en Entwurf für e Theater uf em Petersblatz z Baasel us em Joor 1813.
1804 het dr Achilles Hueber d Susanna Catharina Beck ghürootet. Er isch am 7. Juli 1860 im Alter vo vierenachzig z Baasel gstorbe.
Baute
[ändere | Quälltäxt bearbeite]- 1810: Huus zur Fortuna, Dalbevorstadt 19 z Basel
- 1822: Landhuus im Margarethepark z Binnige
- 1827–28: Pfarrhuus z Gälterchinde
Litratuur
[ändere | Quälltäxt bearbeite]- Basler Baurisse 1800-1860, Ausstellungskatalog Basel, 1967.
- Architektenlexikon der Schweiz 19./20. Jahrhundert, uusegee vo dr Isabelle Rucki, Dorothee Huber, 1998, S. 281 f.
Webligg
[ändere | Quälltäxt bearbeite]- Dorothee Huber: Huber, Achilles. In: Historisches Lexikon vo dr Schwiiz.
|
Dä Artikel basiert uff ere fräie Übersetzig vum Artikel „Achilles_Huber“ vu de dütsche Wikipedia. E Liste vu de Autore un Versione isch do z finde. |