Der Eugen
| Seriedate | |
|---|---|
| Originaltitel: | Der Eugen |
| Produktionsland: | Deitschland |
| Produktionsjohr: | 1982 bis 1986 |
| Produzänt: |
Siddeitscher Rundfunk |
| Längi von erä Folg: | öbbe 8 Minute |
| Zahl vo de Folge: | 68 |
| Musik: | Jonas C. Häfeli |
| Genre: | Komeede |
| Dialäkt: Schwäbisch |
Der Eugen ischt a 68-doiliga deitscha Fernsehserie, wo vo 1982 bis 1986 vom dômôliga Siddeitscha Rundfunk (heit: Sidweschtrundfunk) produziirt wôrra ischt. Jeda Episod hôt a Schbiildauer vo acht Menudda. Gsendet wôrra send de oinzlne Folga ab 1986 em regionala Vorôbedprogramm vo dr ARD zwischa de Werbebleck.
En dera Serie gôht’s om s fikdive Weiguad vo dr schwäbischa Familie Eisele. Vorzehlt werdet an Haufa turbulende Gschichda vo sellra Familie. De meischde Rolla send mit schwäbische Schauschbiiler besetzt wôrra; drom wuud au hauptsächlich Schwäbisch gschwätzt. Dia Drehbiacher send vo vrschiidene Autora gschriiba wôrra. A Großdoil abr stammt vom Felix Huby. Dr Theo Mezger hôt bei älle Folga d Reschii gfihrt. D Außa-Uffnahma send z Fellbach (s Weiguad Eisele) ond em Weikeller vo dr dômôliga Weigärtner-Gnossaschaft Stuegert-Ondrtirkheim dreht wôrra.
Mitgwirkt hend
[ändere | Quälltäxt bearbeite]- en de Hauptrolla
- dr Walter Schultheiß als Eugen Eisele
- d Ilse Künkele als Elsbeth Eisele
- d Trudel Wulle als Rosa
- dr Alexander Gittinger als Karl
- dr Thomas Reiner als Gottfried Hemmerle
- d Regina Faerber als Sybille Meyer
- en oinzlne Episoda als Gäscht
- dr Robert Naegele als Albert Greiner
- dr Willy Seiler als Schlumberger
- dr Dietz-Werner Steck als Schützle
- dr Albin Braig als Steierpriafer
- ond sonscht noh an Haufa meh oder weniger bekannde Manna ond Fraua.
Weblink
[ändere | Quälltäxt bearbeite]Der Eugen in dr Internet Movie Database
|
Dä Artikel basiert uff ere fräie Übersetzig vu dere Version vum Artikel „Der_Eugen“ vu de dütsche Wikipedia. E Liste vu de Autore un Versione isch do z finde. |