Å
| Dialäkt: Seislertütsch |
De Buechstaab Å reschp. as Chlyybuechstaab å isch a Buechstaab vom latynische Alphabet. Är chùnnt bsunders im Däänische, Norweegische ù im Schweedische voor.
Yysortierig im Alphabet
[ändere | Quälltäxt bearbeite]Im Schwedische stiit de Buechstaab Å nam z ù vorùm ä im Alphabet, im Däänische ù Norweegische isch er de letschta Buchstaab vom Alphabet.
Im Tütsche tuet mù 'ne ifach ùnder A yysortiere.
Voorchoo
[ändere | Quälltäxt bearbeite]Im Däänische
[ändere | Quälltäxt bearbeite]Im Däänische stiit de Buechstaab Å fer de offena, tûûfa Vokau A mit anera Tendenz zùm O (lengs nordisches A). Früüer isch Aa bzw. aa gschrûbe choo, ersch am 22. März 1948 het mù ds Å yygfüert.
Im Norweegische ù im Schweedische
[ändere | Quälltäxt bearbeite]Im Norweegische ù im Schweedische stiit de Buechstaab Å fer de Vokau o (wy lengs/chùùrzes tütsches "o")
Anderi Spraache
[ändere | Quälltäxt bearbeite]- ds Å chùnt o im Wallonische voor.
- ds Å chùnt o i Orthografyye vom Noordfryysische (Bökingharde, Goesharden) voor.
- ds Å chùnt zù de Schryybig vo paarne Dyaläkt vom Tütsche wy Bairisch und Bosco/Gurin pruucht.
Kuryooses
[ändere | Quälltäxt bearbeite]Z Denemark isch de aut Dygraaph Aa dùrch Å ersetzt choo, i Iigenaame ù Ortsnaame wy Åbenrå fûnt mù aber no hüüfig di auti Schryybig. As Kuryoosum isch d Stadt Århus, wo mù mit Å schrybt, wärend im Naame vo de Unyversytäät vo de Stadt de Dygraaph stiit: Aarhus Universitet.
O im Norweegische fûne sich no Räschte vo de auti Schrybwyys, wo ùs de Unyoonszytt mit Denemark stame. So hiist de norweegischa Troonfouger Haakon (usgschproche: Hookun).
Daarstölig ùf ùm Computer
[ändere | Quälltäxt bearbeite]Unicode
[ändere | Quälltäxt bearbeite]Im ynternazyonaale Ziichekodierigssyschteem Unicode nimt ds groossa Å d Posyzyoon U+00C5 yy, ds chlyyna å ligt ùf U+00E5. Di glyychi Posyzyoon het es o im Ziichesatz Latin-1. Im Unicode git es zuesätzlech no as spezyöüs Ångström-Ziiche.
HTML
[ändere | Quälltäxt bearbeite]Im HTML schrybt mù ds Å fougendermaasse:
- Groossbuechstaab Å: Å
- Chlyybuechstaab å: å
- Ångström-Ziiche: Å (cha nid vo jedùm Browser dargschtöüt choo)
TeX
[ändere | Quälltäxt bearbeite]Im TeX schrybt mù ds Å fougendermaasse:
- Groossbuechstaab Å: \AA
- Chlyybuechstaab å: \aa
Mit LaTeX2e sy zuesätzlech o no di fougende Schrybwyyse möglech:
- Groossbuchstaab Å: \r{A}
- Chlyybuechstaab å: \r{a}
Weblink
[ändere | Quälltäxt bearbeite]
Commons: Å – Sammlig vo Multimediadateie