Zürcher Segsdäägränne
S Zürcher Segsdäägränne isch e dradizionälli Raadspoortveraastatlig z Züri-Oerlike gsii, wu zwische 1954 un 2014 uusdrait wooren isch.
Organisazioon[ändere | Quälltäxt bearbeite]
Im Hallestaadion sin scho ab 1939 Raadränne veraastaltet woore, aber s eerscht Zürcher Segsdäägränne isch anne 1954 duuregfiert woore. Am 3. Meerz 1954 het di doomool populeer Sängeri Lys Assia dr Staartschuss vor uusverchauftem Huus gee.[1]
Reegelmääßig het s des Segsdäägränne bis 2001 gee, wu s wäge Zueschauermangel un Finanzbrobläm ninimi fuurtgfiert wooren isch. 2006 isch s aber dur d Alt-Raadspoortler Max Hürzeler, Urs Freuler un dr Organisaator Ueli Gerber wider nei lanciert woore. Dradizionäll het s Segsdäägränne zwische Mitti Novämber un Mitti Dezämber stattgfunde. In dr Joor 2006/07 un 2007/08 isch s Raadränne aber zwische dr Joor gsii. D Faarer hän Silveschter in dr Halle gfyyrt.
Näb dr Proofiränne wie Américaine (Zwaier-Mannschaftsfaare), Zytfaare, Uusschaidigsfaare un Steherränne isch als e umfangryych Showbrogramm bote gsii. Syter 2009 sich d Uusstellig mit mit allne Neihaite im Raadspoort uusgwytet woore.
Rekoordsiiger bim Zürcher Segsdäägränne isch dr Schwyzer Bruno Risi mit elf Siig, gfolgt vu sym langjeehrige Paartner Kurt Betschart un vum Fritz Pfenninger mit je siibe Siig. Rekoorddailnämer mit 21 Staart isch dr Dytsch Klaus Bugdahl, gfolgt vum Pfenninger mit 18 Staart.[2]
Ab 2011 het d Veraastaltig Sixday-Nights Zürich ghaiße un het nume no an vier statt an segs Oobe stattgfunde, alliwyyl vum Mittwuche bis Samschig.
Im Februar 2015 hän d Veraastalter verchindet, ass d Uusdraagig anne 2014 di letscht gsii sei, wel di finanziälle Belaschtige z hooch woore seie.[3]
Siigerlischt[ändere | Quälltäxt bearbeite]
Weblink[ändere | Quälltäxt bearbeite]
Fueßnote[ändere | Quälltäxt bearbeite]
- ↑ Sepp Renggli: Hallenstadion Zürich. Zürich 2002, S. 6.
- ↑ Abschied vom Zürcher Hallenstadion. In: nzz.ch. 12. März 2004, abgruefen am 4. Juni 2023.
- ↑ Zürcher Sechstagerennen findet nicht mehr statt. rad-net, 28. Februar 2015, abgruefen am 28. Februar 2015.
|
Dä Artikel basiert uff ere fräie Übersetzig vu dere Version vum Artikel „Zürcher_Sechstagerennen“ vu de dütsche Wikipedia. E Liste vu de Autore un Versione isch do z finde. |