Ulrich Bräker

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Ulrich Bräker

Ulrich Bräker oder Näppis-Ueli, bikannt au as Der arme Mann vom Tockenburg (* 22. Dezember 1735 z Wattwil; † 1798 z Wattwil, begrabe am 11. September 1798) isch e Schwizer Schriftsteller gsii.

De Ulrich Bräker isch 1735 as e Soo vomene aifache Buur bi Wattwil im Ghöft Näppis im Toggeborg uf d Welt cho. Sini Famili isch ane 1741 uf Chrinou zoge und hett dai im Dreischlatt gwonnt. Nochdem sin Vatter völlig verarmt gsii isch, isch d Famili 1754 zrogg uf Wattwil und de Ueli het sini Juget as Buurechnecht und Salpetersüüder verbrocht. Im Joor 1756 het er sich as Söldner för Proissischi Chriegsdienst verdinge loo, isch den aber wäred de Schlacht vo Lobositz z Böhmen desertiert und wider ham is fridlichi Toggeborg zoge. Denn hetter ghürote und vill Gööfli ghaa. Gschafft hetter as Bauwelefergger (Garnhändler).

Er het glernt lese und schriibe und denn aagfange e Tagibuech füere. De Wattwiler Schuelmaister Johann Ludwig Ambühl het em Bräker sini literarischi Fähigkaite entdeckt und hetem d Möglichkait ggee im "Brieftasche aus den Alpen" ersti Tegschte zveröffentliche. D Bedütig vom Bräker lit voralem do drii, as er us de Unterschicht stammt.

Em Ulrich Bräker sin Nochlass werd ide Kantoosbibliothegg Sanggale (Vadiana) und im Staatsarchiv vom Kantoo Sanggale ufbewaart.

Werch[ändere | Quälltäxt bearbeite]

Literatur öber de Bräker[ändere | Quälltäxt bearbeite]

  • Thomas Höhle: Literatur und Autoren zur Zeit der Aufklärung. In: W. Wunderlich (Hg.): St. Gallen - Geschichte einer literarischen Kultur. Konstanz 1999 ISBN 3-908701-06-6
  • Kathrin Hilber et al. (Hrsg.): Sankt-Galler Geschichte 2003. 9 Bände, St. Gallen 2003 ISBN 3-908048-43-5
  • Alois Stadler Wolfgang Göldi: Heriemini-welch eine Freyheit. Ulrich Bräker über "Himmel,Erde und Höll" Illustriert mit Bildern aus seiner Zeit, Zürich 1998 ISBN 3-280-02741-1
  • Holger Böning: Ulrich Bräker, der arme Mann aus dem Toggenburg – Eine Biographie. Orell Füssli, Zürich 1998 ISBN 3-280-02455-2
  • Seybold Dietrich: Ulrich Bräker. In: Andreas Kotte (Hrsg.): Theaterlexikon der Schweiz. Band 1. Chronos, Zürich 2005, ISBN 3-0340-0715-9, S. 259 f.
  • Wartmann: Brägger, Ulrich. In: Allgemeine Deutsche Biographie (ADB). Band 3, Duncker & Humblot, Leipzig 1876, S. 232.
  • Samuel Voellmy: Bräker, Ulrich. In: Neue Deutsche Biographie (NDB). Band 2, Duncker & Humblot, Berlin 1955, ISBN 3-428-00183-4, S. 506.

Weblink[ändere | Quälltäxt bearbeite]

 Allmänd (Commons): Ulrich Bräker – Sammlig vo witere Multimediadateie

Wikisource Ulrich Bräker im dütschsprochige Wikisource

Dä Artikel basiert uff ere fräie Übersetzig vum Artikel „Ulrich_Bräker“ vu de dütsche Wikipedia.

E Liste vu de Autore un Versione isch do z finde.