Krinau

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Wappe
S Wappe vo Chrinou
Basisdatä
Staat: Schwiiz
Kanton: St. Galle (SG)
Bezirk: Waalchreis Toggeborg
Gmeind: Wattwil
PLZ: 9622
Koordinate: 721822 / 24197647.3174029.049994803Koordinaten: 47° 19′ 3″ N, 9° 3′ 0″ O; CH1903: 721822 / 241976
Höchi: 803 m ü. M.
Flächi: 7,23 km²
Iiwohner: 254 (31. Dezämber 2012)
Website: www.krinau.ch
Charte
Zörisee Wägitalersee Walesee Kanton Appezäll Usseroode Kanton Appezöll Inneroode Kanton Glarus Kanton Schwyz Kanton Thurgau Kanton Zöri Waalchrais See-Gaster) Waalchrais Sargaaserland Waalchrais Sanggale Waalkrais Wärdabärg Waalchrais Wiil Bütschwil Ebnet-Chappel Ganterschwil Hembärg Cherchbärg Krinau Liechtestaig Lütisburg Moslig Neckertal Nesslau-Krummenau Oberhälfeschwil Stein SG Wattwil Wildhuus-Alt SanktjohannCharte vo Chrinou
Iber des Bild
ww

Chrinou (IPA: xrɪnɔu) isch e eemooligi Gmeind im Toggeborg und mit weniger as 300 Iiwooner di chlinnsti Gmeind vom Kantoo Sanggale gsi. Sit em 1. Jänner 2013 ghöört Chrinou zo de politische Gmeind Wattwil.

Geografii[ändere | Quälltäxt bearbeite]

S Dorf Chrinou liit uf öpe 800 Meter obe und het e guet erhaltnigs Dorfbild mit alte Buurehüser und ere reformierte Cherche. Zo de Gmeind händ no Wiiler und Höf wie Aaltschwil, Schufelbeerg und Chrinöüli ghöört. De höchst Punkt isch de Alplispitz (1'246 m ü.M.) und de tüüfst litt am Diepfurter Bach (622 m ü.M.) bi Dietsewiil. S Dorf litt imene Sittetaal zo de Tuur ond werd vom Chrinouer Bach entwässeret, usser im Norde wo e Bächli in Diepfurter Bach flüüsst. Nochburgmeinde sind Wattwil, Moslig und Bötschwil gsi.

Gschicht[ändere | Quälltäxt bearbeite]

Chrinou isch erscht ane 1357 as Krinnouw bizügt. Um 1510 hend sich d Börger vo allne Foidallaste freigchouft und en eigni Landsgmeind iigrichtet miteme eigne Gricht. Bis 1724 isch Chrinou zo Bötschwil cherchgnössig gsii und hett denn en eigni reformierti Cherche öbercho.

Wäred de Helvetik isch Chrinou zo Helffetschwil choo, aber bi de Gründig vom Kantoo Sangalle ane 1803 isch Chrinou zonere eigne Gmeind woore, us Röcksicht vo de alte Freiheit, wo da Dorf gnosse het.

Im April 2012 händ d Stimmbürger annere Zämelegig mit de Gmeind Wattwil uf de 1. Januar 2013 zuegstumme.

Wertschaft[ändere | Quälltäxt bearbeite]

Z Chrinou stoot d Weberei Graf AG, wo Vorhangstoff herstellt, aber weniger as zee Prozent vo de Bivölkerig isch im Gwerb täti. De Hoptteil lebt vo de Land- und Forstwertschaft ond öppe en Drittel isch ide Tienschtleistig tätig. Nume 3 % vo de Gmeindflächi sind bibout, 39 % sind Wald und de Rest werd landwertschaftlich gnutzt (Stand 2010). E Postauto verbindet Chrinou mitem Städtli Liestig.

Immer me a Bidüttig gwönnt de Turismus, well Chrinou rüebig glegen isch und ken Dorchgangsvercheer het. D Natur und d Landschaft sind no intakt mit seltnige Tier wie de Uurhaan (Tetrao tetrix) und Pflanze und drum ou e biliebts Wanderpiet. Vom Alplispitz cha wiit öber s Toggeborg glueget werde. Zo de turistische Ziil ghört ou s Brääggerhuus im Dreischlatt, wo de Näppis-Ueli (Ulrich Bräker) vo 1741 bis 1754 sini Chindheit verbrocht hett.

s Brääggerhuus im Dreischlatt z Chrinou

Iiwooner[ändere | Quälltäxt bearbeite]

Nebet em Näpper-Ueli (1735–1798), wo z Chrinou sini Chindheit verbroocht het, stammt us de Gmeind no de Johann Müller (1890–1970), wo onderem Name Giovanni Müller as Mooler und Holzschnetzer gwörkt hett.

Bevölkerigsentwicklig
Johr 1750 1850 1900 1950 1980 1990 2000 2010 2012
Iiwohner 180 452 381 320 240 266 278 255 254

Weblink[ändere | Quälltäxt bearbeite]

 Allmänd (Commons): Chrinou – Sammlig vo witere Multimediadateie