Böhmen

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Politischi Iiteilig vo Tschechie: Böhme (grüen), Mähre (blau) und Tschechisch-Schlesie (ocker).

Böhme (tschechisch Čechy) isch eins vo de historische Länder vo Tschechie. Au siinä Iiwohner sait mä Böhme.

Geographii[ändere | Quälltäxt bearbeite]

Lag[ändere | Quälltäxt bearbeite]

D Flechi vo Böhme bedrait öbbe 52.060 km². Es gränzt im Nordoste an Pole, im Oste an die historischi Region Mähre, im Süde an Östriich, im Südweste und Weste an Bayre und im Nordweste an Sachse.

Dr historisch Dreiländeregge mit Mähre und Östriich befindet sich uf em Spitz vom Böhmische Sass am Hoche Stei bi Staré Město pod Landštejnem.

Böhme wird au begränzt vo siine vier Randgebirg:

Böhme isch aso fast ä Landschaftskessel, siini Gränze si fast überall d Wasserscheide vo de Zueflussgebiet vo der Moldau (Vltava) und der Elbe (Labe) (bis zu dr Gränze mit Dütschland). In Elbe mündet au d Eger (Ohře), wo s Quellgebiet von erä im Fichtelgebirg z Franke liit. Die südligi Gränze vo Böhme isch Deil vo der Europäische Hauptwasserscheide.

Gliiderig[ändere | Quälltäxt bearbeite]

Böhmen macht die westlige zwei Drittel vo der Tschechische Republik us. Drzue ghöre hüte die tschechischi Hauptstadt Prag (Praha), die Mittelböhmischi Region (Středočeský kraj) um sä ume und d Regione wo im Uhrzeigersinn um die umeligge si Reicheberg (Liberecký kraj), Königgrätz (Královéhradecký kraj), der grösser Deil vom Pardubický kraj, die westlig Hälfti vom Kraj Vysočina, fast die ganzi Südböhmischi Region (Jihočeský kraj), d Region Pilse (Plzeňský kraj), der Karlovarský kraj, der Ústecký kraj um Ústí (Aussig), und Jobova Lhota wo hüt zur Südmährische Region (Jihomoravský kraj) ghört .

Landschaft[ändere | Quälltäxt bearbeite]

Die hütige Gränze vo Böhme si vil meh as 1000 Johr alt, nume s Egerland isch erst im spoote Mittelalter drzuecho. Böhme isch uf drei Siite vo Bärglandschafte umgee, isch aber eigentlig nit ä Chesselland. S Fichtelgebirg schliesst sech an die mitteldütsche Terrasselandschafte aa. Böhme hangt so äng mit Mähre zsämme, ass mä im Gebiet zwüsche dr Eger, Elbe und Donau uf dr einte Siite und dr March und Naab uf dr andere vom enä böhmisch-mährische Terrasseland cha rede.

D Iizugsgebiet vo der Donau und der Oder möche nume 6,4 % vom Gebiet vom Land (3.184 km²) us, das vo dr Elbe macht mit 48.772 km² dr Hauptdeil us. Näbe der Elbe het s no d Moldau, wo bi Mělník in se mündet.

S Terrasseland vo Böhme wird dur d Elbe und d Eger, d Sázava und Berounka und dur die diefe Meridianfurche vo der Moldau gliideret. Die chliine umschlossene Tiefebene si die:

Wappe vom historische Königriich Böhme.

Do het s au zahlriichi Bärg:

  • Engelhäuser Berg (713 m)
  • Burberg (591 m)
  • Georgenberg (455 m)
  • Tockberg (853 m)
  • Trschemschinberg (822 m)
  • Kubany (1.358 m)

Die natürligi Gränze vo Böhme nach Weste bildet der Böhmerwald, wo dur s Plateau vo Waldsasse mit em Fichtelgebirg in Verbindig stoht.

Dä Artikel basiert uff ere fräie Übersetzig vum Artikel „Böhmen“ vu de dütsche Wikipedia.

E Liste vu de Autore un Versione isch do z finde.