SBB Re 4/4 II
 Re 4/4 II in Vilfachstüürig mit erä Re 6/6 | |
| Betriib | |
|---|---|
| Baujohr | 19641 1967–19682 1969–19853 |
| Betriibsnummere | 11101 – 11349 11371 – 11397 |
| Betriibsnummere (UIC) | Re 420 101 – Re 420 349 |
| Umbau (Re 421) | 2003–2004 |
| Betriibsnummere (UIC) | Re 421 371 – Re 421 397 |
| Stückzahl vo SBB bstellt | 276 |
| Stückzahl vo MThB kauft | 1, ietz wider bi d'r SBB |
| Stückzahl (2005) | 259 |
| Stuggzahl vu d'r BLS gchauft | 6 |
| Iisatzgebiet | Universalloki |
| Wartigswärk | Yverdon und Bellinzona |
| Usrangierig unfallbedingt | 6 |
| Verkauf an BLS (2004-05) | 12 |
| Betriebsnummern (UIC) | BLS Re 420 501 – Re 420 512 |
| Technischi Date | |
| Fahrzügtyp | elektrischi Loki |
| Hersteller | SLM Winterthur BBC Baden MFO Zürich SAAS Genève |
| Achsefolg | Bo'Bo' |
| Höggstgschwindigkeit | 140 km/h |
| Bauart Fahrstuefeschalter | NO32 von BBC mit Rundwähler, 4 Lastschalter und Luftstellmotor |
| Leistig | 4700 kW (6320 PS) |
| Stundezugchraft | 167 kN |
| Afahrzugchraft | 255 kN |
| Bärgleistig | 500-Tonne-Zug uf 26 ‰ Stiigig bi 80 km/h |
| Mäss und Gwicht | |
| Längi über Puffer | 14'800 mm1 14'900 mm2 15'410 mm3 |
| Breiti | 2970 mm |
| Höchi | 4500 mm |
| Gwicht | 80 t Re 421: 85 t |
| Sustigs | |
| Besonderi Merkmol | Grössti SBB-Serii |
| Vorgänger | Re 4/4I |
| Nochfolger | SBB Re 6/6, Re 460 |
| 1 Prototype, 2 Ersti Serii, 3 Zweiti Serii | |
D Re 4/4 II isch ä Hochläischtigs-Schnällzugsloggi vu d'r SBB.
D' Buuräihe Ae 6/6 isch hööch im Kurs gsii - vor Allem uf d'r Gotthardstreggi. Nuch nüd all 120 Stugg sind buut gsii, wu d' SBB s' Bedürfnis gchaa het, nuch ä vierachsigi Universalloggi in Uuftrag z' gii. I de früehne Sächzgerjahr het s' Konsorzium us d'r Schwiizerische Loggi- und Maschinefabrigg z' Winterthur, Brown, Boveri & Cie, d' Maschinefabrigg Örlike und d' Société Anonyme des Ateliers de Sécheron de Zueschlaag für diä Hochläischtigsloggi überchuu. Si händ mit sächs Prototype g' antwortet. Dia chänd mit 140 Stundekilometer fare und sind 80 Tonne schwär. Hüt isch nuch d'r eerscht Prototyp mit d'r Fahrzüügnummere 11101 im Bsitz vu d'r SBB. Di Andere hends d'r Lötschbärgbahn verchauft. D' Erfaarig mit de Prototype het rundumme befridiged, so dass d' Re 4/4 II di erfolgriichscht Loggi us em Huus vu SLM, BBC, MFO und SAAS wordä-n-ischt. Rund driihundert Exemplar sind buut wordä. Das hät's susch i d'r Schwiiz niä ggii. Äinigi drvuu sind wiirot-bëësch aagmaled wordä für d'r Trans-Europ-Express. Will di orangsche Städteschnällzüg ä automatischi Kupplig gchaa händ, sind sächs Re 4/4 II ästra für diä Zugskategorie härgrichtet wordä. Si sind dur das zwüsche Sant Gallä und Gänf iigsetzt wordä. Für diä ehemaligä Städtezüg, wu hüt d'r BLS gchöred, wärdet di verchaufte Re 4/4 II bruucht.
Verwandti Loggene
[ändere | Quälltäxt bearbeite]D' Re 4/4 II isch ä wiiterentwigglig vu d'r Re 4/4 I und d'r Ae 6/6. Ä Gebirgsvariantä isch d' Re 4/4 III wu de Gotthardloggene zuegordnet wird. Diä händs all im Depo vu Erschtfäld staziuniert. Ä Schmalspurversiuu isch d' Ge 4/4 II vu d'r Rhätische Bahn, und d'r Lötschbargbahn ihri Versiuu isch d' BLS Re 4/4. I de Sibzgerjahr händ d' SBB d' Bschtellig vu-n-ere sächsachsige Variantä vu d'r Re 4/4 II in Erwägig zoge - d SBB Re 6/6.