Reichenau
| Insle Riichenau | |
|---|---|
 Insel Reichenau |
|
| Kännzahle | |
| Flächi: | 4,3 km² |
| Mittleri Längi: | 4,5 km (Ost-West) |
| Mittleri Breiti: | 1,6 km (Nord-Süd) |
| Laag: | 47.693056°, 9.063056° |
| Dischtanze: | Ermatinge: 1.5 km Allesbach: 1.8 km |
| Bsunderheite: | UNESCO-Wälterbi * ehemoligs Chloster * Chile St. Peter und Paul * Basilika Sankt Georg |
D Insle Riichenau isch mit 4,3 km² Flächi die gröschti Insle im Bodesee.
Inhaltsverzeichnis |
Wälterb [ändere]
Sit em Johr 2000 isch si mit em Chloschder Riichenau uf dr UNESCO-Lischte vom Wälterb. D Begründig vo dr UNESCO isch, ass es hervorragends Züügnis vo dr religiöse und kulturelle Rolle vom enä groosse Benediktinerchloschter im Mittelalter siig. S Chloster isch ane 724 vom Pirmin ggründet wore.
Geografii [ändere]
D Insle Riichenau liit im westlichste Tail vom Bodesee, em Undersee, zwüsched de Städt Konschdanz und Radolfzell. De höchsti Punkt uf de Insle isch d Höchacht, wo mit fast 439 m über Meer öpe 43 m über em Seespiegel liit. D Insle isch ä Dail vo dr dütsche Gmaind Riichenau im Landkrais Konschdanz in Bade-Württebärg. D Gmaind Riichenau het 5100 Iiwohner. Ä chlii meh as 3300 Lüüt drvo läbe uf dr Insle in de drei Schdreusiidlige Ober-, Mittel- und Niiderzell. Dr Räscht wohnt uf em Feschtland in de Ortsdeil Waldsidlig und Lindebüehl, wo au zur Gmaind Riichenau ghöre.
Verkeer [ändere]
Bis 1838 isch d Riichenau würkli e Insle gsi und nume mit em Schiff erreichbar. Dänn hät me en 1,3 km lange Damm uufgschütted, wo e Zuefahrt mit Ross und Wage vom nordöstliche Festland möglich gmacht het. Hüt isch de Damm guet uusbaut und e wichtigi Verbindig, nöd nu för d Bewohner, sondern au för d Turiste und d Lastwäge, wo s Gmües, wo uf de Insle aabaut werd, zu de Verkaufsstelle bringed.
Sehenswürdikaite [ändere]
Uf de Riichenau gits näbed de vile Gwächshüüser drüü christlichi Bauwärk aazluege. Si sind alli uf de Liste vom UNESCO-Wälterb.
Da wäred:
- d Basilika Sankt Georg z Oberzäll
- s ehemolige Benediktinerchloster mit em Münster Sankt Maria und Markus z Mittelzäll
- d Chile Sankt Peter und Paul z Niderzäll
-
Sankt Georg z Oberzäll
-
S Münster z Mittelzäll
-
Peter und Paul z Niderzäll
Weblinks [ändere]
Allmänd (Commons): Insle Riichenau – Sammlig vo witere Multimediadateie| Dä Artikel basiert uff ere fräie Übbersetzig vum Artikel „Reichenau“ vu de dütsche Wikipedia.
E Liste vu de Autore un Versione isch do z finde. |
