Reichenau

Technische Yschränkung:
Dr koräkt Titel wär: »Riichenau«

Insle Riichenau
Insel Reichenau
Kännzahle
Flächi:	4,3 km²
Mittleri Längi:	4,5 km (Ost-West)
Mittleri Breiti:	1,6 km (Nord-Süd)
Laag:	47.693056°, 9.063056°
Dischtanze:	Ermatinge: 1.5 km Allesbach: 1.8 km
Bsunderheite:	UNESCO-Wälterbi * ehemoligs Chloster * Chile St. Peter und Paul * Basilika Sankt Georg

D Insle Riichenau isch mit 4,3 km² Flächi die gröschti Insle im Bodesee.

[ändere] Wälterb

Sit em Johr 2000 isch si mit em Chloschder Riichenau uf dr UNESCO-Lischte vom Wälterb. D Begründig vo dr UNESCO isch, ass es hervorragends Züügnis vo dr religiöse und kulturelle Rolle vom enä groosse Benediktinerchloschter im Mittelalter siig. S Chloster isch ane 724 vom Pirmin ggründet wore.

Lag vo dr Insle Riichenau

[ändere] Geografii

D Insle Riichenau liit im westlichste Tail vom Bodesee, em Undersee, zwüsched de Städt Konschdanz und Radolfzell. De höchsti Punkt uf de Insle isch d Höchacht, wo mit fast 439 m über Meer öpe 43 m über em Seespiegel liit. D Insle isch ä Dail vo dr dütsche Gmaind Riichenau im Landkrais Konschdanz in Bade-Württebärg. D Gmaind Riichenau het 5100 Iiwohner. Ä chlii meh as 3300 Lüüt drvo läbe uf dr Insle in de drei Schdreusiidlige Ober-, Mittel- und Niiderzell. Dr Räscht wohnt uf em Feschtland in de Ortsdeil Waldsidlig und Lindebüehl, wo au zur Gmaind Riichenau ghöre.

[ändere] Verkeer

Bis 1838 isch d Riichenau würkli e Insle gsi und nume mit em Schiff erreichbar. Dänn hät me en 1,3 km lange Damm uufgschütted, wo e Zuefahrt mit Ross und Wage vom nordöstliche Festland möglich gmacht het. Hüt isch de Damm guet uusbaut und e wichtigi Verbindig, nöd nu för d Bewohner, sondern au för d Turiste und d Lastwäge, wo s Gmües, wo uf de Insle aabaut werd, zu de Verkaufsstelle bringed.