Museumseisenbahn
Us der alemannische Wikipedia, der freie Dialäkt-Enzyklopedy
| Dialäkt: Glarnertüütsch |
E Museeumsisebaan isch e Isebaanschtreggi wu nümm im Regelbetriib schtaht. Meischtens sind s friiwilligi Hälfer wu d Geböi, d Gläis und s Rollmaterial instandhaltä. S Rollmaterial, das sind uusrangschierti Loggene und Wäge. Soo tued me em Publikum uffzäige, wie d Isebaan früecher uusgsee het. De bedüütensdschti Betriiber vu Museumsisebaane im düütschsprachige Ruum isch dr Eurovapor. Er hät einigi diräggti Sekziuune, wu tüendt Museeumslinie betriibe. Es törfed aber auf gwöndlichi Baanlinie mitbenützt wärdä, wänn e Faarbewilligung voorliit.
